ಮಳೆಯಲ್ಲಿಯೇ ಆಕರ್ಷಕ ಪಥಸಂಚಲನ ಪ್ರದರ್ಶನ
ಬೆಳಗಾವಿ:ನಗರದ ಎಂಎಲ್ ಐಆರ್ ಸಿ ಮರಾಠಾ ಲಘು ಪದಾತಿ ದಳದ ಸೈನ್ಯ ತರಬೇತಿ ಶಿಬಿರದಲ್ಲಿ ಮೊದಲ ತಂಡದ ಅಗ್ನಿವೀರರ ನಿರ್ಗಮನದ ಆಕರ್ಷಕ ಪಥಸಂಚಲನ ಶನಿವಾರ ನಡೆಯಿತು.
ಮರಾಠಾ ಲಘುಪದಾತಿದಳದ ಕೇಂದ್ರದಲ್ಲಿ ಕಳೆದ 31 ವಾರ ತರಬೇತಿ ಪಡೆದ 111 ಅಗ್ನಿವೀರ ಯುವ ಸೈನಿಕರು ದೇಶ ಕಾಯಲು ಇಂದಿನಿಂದ ಸಜ್ಜಾಗಿ ದೇಶಸೇವೆಗೆ ಸಮರ್ಪಣೆಗೊಂಡರು.
31 ವಾರಗಳ ಕಾಲ ತರಬೇತಿಯಲ್ಲಿ ಪಡೆದ ಕೌಶಲ್ಯ, ದೇಹದಾರ್ಡ್ಯ ಕಸರತ್ತುಗಳನ್ನು ತುಂತುರು ಮಳೆಯಲ್ಲಿಯೇ ನೆರೆದ ಸಭಿಕರಿಗೆ ಪ್ರದರ್ಶಿಸಿದರು.
ಮಳೆ ಮಧ್ಯೆಯೂ ಶಿಬಿರಾರ್ಥಿಗಳು ನಡೆಸಿದ ಆಕರ್ಷಕ ಪಥಸಂಚಲನ ಅವರ ಪಾಲಕರು ಮತ್ತು ಸೇನಾಧಿಕಾರಿಗಳ ಗಮನಸೆಳೆಯಿತು.
ಮೇಜರ್ ಜನರಲ್ ಆರ್. ಎಸ್. ಗುರಯ್ಯ ನಿರ್ಗಮನಕ್ಕೆ ಸಜ್ಜಾದ ಅಗ್ನಿವೀರರನ್ನು ಉದ್ದೇಶಿಸಿ ಮಾತನಾಡಿದರು.
ಸ್ಟೇಶನ್ ಕಮಾಂಡೆಂಟ್ ಬ್ರಿ. ಜಯದೀಪ್ ಮುಖರ್ಜಿ, ಕರ್ನಲ್ ಹಾಗೂ ಮೇಜರ್ ರ್ಯಾಂಕ್ ಅಧಿಕಾರಿಗಳು ಹಾಗೂ ನಾಗರಿಕ ವಲಯದಿಂದ ಸೈನಿಕರ ಕುಟುಂಬಸ್ಥರು ಉಪಸ್ಥಿತರಿದ್ದರು.
