ಬೆಂಗಳೂರು: ಲೋಕಸಭಾ ಚುನಾವಣೆ ಕರ್ನಾಟಕದ ಮೊದಲ ಹಂತದ 14 ಕ್ಷೇತ್ರಗಳಲ್ಲಿ ಶುಕ್ರವಾರ ಮತದಾನ ಪೂರ್ಣಗೊಂಡಿದೆ. ಇತ್ತೀಚಿನ ಮಾಹಿತಿಯ ಪ್ರಕಾರ 14 ಲೋಕಸಭಾ ಕ್ಷೇತ್ರಗಳಲ್ಲಿ ಒಟ್ಟು 69.23 ರಷ್ಟು ಮತದಾನ ನಡೆದಿದೆ.
ಚಾಮರಾಜನಗರ ಜಿಲ್ಲೆಯ ಗ್ರಾಮವೊಂದರಲ್ಲಿ ಮೂಲಸೌಕರ್ಯ ನೀಡದೇ ಇದ್ದುದ್ದಕ್ಕೆ ಗ್ರಾಮಸ್ಥರು ಪ್ರತಿಭಟನೆ ನಡೆಸಿ ಮತಯಂತ್ರಕ್ಕೆ ಹಾನಿ ಮಾಡಿದ್ದು ಹೊರತುಪಡಿಸಿದರೆ ರಾಜ್ಯದಲ್ಲಿ ಮತದಾನ ಬಹುತೇಕ ಶಾಂತಿಯುತವಾಗಿತ್ತು.
ಈ ಪೈಕಿ ಮಂಡ್ಯದಲ್ಲಿ ಅತಿಹೆಚ್ಚು ಶೇ 81.48 ರಷ್ಟು ಮತದಾನವಾಗಿದ್ದು, ಬೆಂಗಳೂರು ಕೇಂದ್ರ ಕ್ಷೇತ್ರದಲ್ಲಿ ಅತಿ ಕಡಿಮೆ ಶೇ. 52.81 ರಷ್ಟು ಮತದಾನವಾಗಿದೆ. 14 ಕ್ಷೇತ್ರಗಳಲ್ಲಿ ಕಳೆದ ಬಾರಿಗೆ ಹೋಲಿಸಿದರೆ ಮತದಾನದ ಪ್ರಮಾಣದಲ್ಲಿ ಶೇ. 0.27ರಷ್ಟು ಹೆಚ್ಚಳವಾಗಿದೆ. 2014ರಲ್ಲಿಶೇ. 67.73 ಹಾಗೂ 2019ರಲ್ಲಿಶೇ. 68.96 ರಷ್ಟು ಮತದಾನವಾಗಿತ್ತು.
14 ಲೋಕಸಭಾ ಕ್ಷೇತ್ರಗಳ ಕ್ಷೇತ್ರವಾರು ಮತದಾನದ ಪ್ರಮಾಣ
ಉಡುಪಿ ಚಿಕ್ಕಮಗಳೂರು-76.06 %
ಹಾಸನ -77.51 %
ದಕ್ಷಿಣ ಕನ್ನಡ-77.43 %
ಚಿತ್ರದುರ್ಗ-73.11 %
ತುಮಕೂರು-77.7 %
ಮಂಡ್ಯ-81.48 %
ಮೈಸೂರು-70.45 %
ಚಾಮರಾಜ ನಗರ-76.59 %
ಬೆಂಗಳೂರು ಗ್ರಾಮಾಂತರ-67.29 %
ಬೆಂಗಳೂರು ಉತ್ತರ-54.42 %
ಬೆಂಗಳೂರು ಕೇಂದ್ರ-52.81 %
ಬೆಂಗಳೂರು ದಕ್ಷಿಣ-53.15 %
ಚಿಕ್ಕಬಳ್ಳಾಪುರ-78.82 %
ಕೋಲಾರ-78.07 %
