ಶ್ರೀನಗರ: ಕಾಶ್ಮೀರದ ಪಹಲ್ಗಾಮ್ನಲ್ಲಿ ನಡೆದ ಭೀಕರ ಹತ್ಯಾಕಾಂಡ (ಏಪ್ರಿಲ್ 22, 2025) ನಡೆದು ಇದೀಗ ಒಂದು ವರ್ಷ. 26 ಅಮಾಯಕರ ಜೀವ ಬಲಿಪಡೆದ ಈ ದಾಳಿಯ ತನಿಖೆಯು ಈಗ ಕೇವಲ ಸ್ಥಳೀಯ ಕಾರ್ಯಾಚರಣೆಯಾಗಿ ಉಳಿದಿಲ್ಲ; ಬದಲಿಗೆ ಪಾಕಿಸ್ತಾನ ಪ್ರಾಯೋಜಿತ ಭಯೋತ್ಪಾದನೆಯನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಬಯಲಿಗೆಳೆದಿದೆ.
ರಾಷ್ಟ್ರೀಯ ತನಿಖಾ ಸಂಸ್ಥೆ (NIA) ನೇತೃತ್ವದಲ್ಲಿ ನಡೆದ ಈ ತನಿಖೆಯು ಬೈಸರನ್ ಹುಲ್ಲುಗಾವಲಿನಲ್ಲಿ ನಡೆದ ಘಟನೆಗಳನ್ನು ಹಂತ ಹಂತವಾಗಿ ಮರುಸೃಷ್ಟಿಸಿದ್ದು, ಸುಮಾರು 1,597 ಪುಟಗಳ ದೋಷಾರೋಪ ಪಟ್ಟಿ (Chargesheet) ಸಲ್ಲಿಸಿದೆ.
ಇದು ಲಷ್ಕರ್-ಎ-ತೈಬಾ (LeT) ಮತ್ತು ಅದರ ಅಂಗಸಂಸ್ಥೆಯಾದ ‘ದಿ ರೆಸಿಸ್ಟೆನ್ಸ್ ಫ್ರಂಟ್’ (TRF) ನಡುವಿನ ನೇರ ಸಂಪರ್ಕವನ್ನು ಸಾಬೀತುಪಡಿಸಿದೆ.
ಪಾಕಿಸ್ತಾನದ ಸಂಚು ಬಯಲಾಗಿದ್ದು ಹೇಗೆ?
ತನಿಖೆಯಲ್ಲಿನ ದೊಡ್ಡ ತಿರುವು ಎಂದರೆ ಜೂನ್ 2025 ರಲ್ಲಿ ಬಂಧಿತರಾದ ಪರ್ವೈಜ್ ಅಹ್ಮದ್ ಮತ್ತು ಬಶೀರ್ ಅಹ್ಮದ್ ಜೋಥರ್ ಎಂಬ ಇಬ್ಬರು ಸ್ಥಳೀಯ ಕಾರ್ಯಕರ್ತರ ವಿಚಾರಣೆ. ದಾಳಿಗೂ ಕೆಲವು ದಿನಗಳ ಮೊದಲು ಹಿಲ್ ಪಾರ್ಕ್ನ ಗುಡಿಸಲೊಂದರಲ್ಲಿ ಮೂವರು ಪಾಕಿಸ್ತಾನಿ ಉಗ್ರರಿಗೆ ಆಶ್ರಯ ನೀಡಿದ್ದಾಗಿ ಇವರು ಒಪ್ಪಿಕೊಂಡಿದ್ದಾರೆ.
ಡಿಸೆಂಬರ್ 2025 ರಲ್ಲಿ ಸಲ್ಲಿಸಲಾದ ಚಾರ್ಜ್ಶೀಟ್ ಪ್ರಕಾರ, ಲಷ್ಕರ್ ಮುಖ್ಯಸ್ಥ ಹಫೀಜ್ ಸಯೀದ್ ಮತ್ತು ಟಿಆರ್ಎಫ್ ಮುಖ್ಯಸ್ಥ ಹಬೀಬುಲ್ಲಾ ಮಲಿಕ್ (ಸಾಜಿದ್ ಜಾಟ್) ಮುಖ್ಯ ಸಂಚುಕೋರರಾಗಿದ್ದಾರೆ. ಈ ಉಗ್ರರಿಗೆ ಆಧುನಿಕ ಶಸ್ತ್ರಾಸ್ತ್ರಗಳು, M4 ಕಾರ್ಬೈನ್ ಮತ್ತು ಹತ್ಯೆಗಳನ್ನು ಚಿತ್ರೀಕರಿಸಲು ಬಾಡಿ ಕ್ಯಾಮೆರಾಗಳನ್ನು ಒದಗಿಸಲಾಗಿತ್ತು.
ಭಾರತದಲ್ಲಿ ಕೋಮು ಗಲಭೆ ಸೃಷ್ಟಿಸುವುದು ಮತ್ತು ಜಮ್ಮು ಕಾಶ್ಮೀರದ ಪ್ರವಾಸೋದ್ಯಮ ಆರ್ಥಿಕತೆಯನ್ನು ನಾಶಪಡಿಸುವುದು ಇವರ ಉದ್ದೇಶವಾಗಿತ್ತು.
ಕಾಶ್ಮೀರದ ಪಹಲ್ಗಾಮ್ನಲ್ಲಿ ನಡೆದ ಭೀಕರ ಹತ್ಯಾಕಾಂಡ (ಏಪ್ರಿಲ್ 22, 2025) ನಡೆದು ಒಂದು ವರ್ಷ. 26 ಅಮಾಯಕರ ಜೀವ ಬಲಿಪಡೆದ ಈ ದಾಳಿಯ ತನಿಖೆಯು ಈಗ ಕೇವಲ ಸ್ಥಳೀಯ ಕಾರ್ಯಾಚರಣೆಯಾಗಿ ಉಳಿದಿಲ್ಲ; ಬದಲಿಗೆ ಪಾಕಿಸ್ತಾನ ಪ್ರಾಯೋಜಿತ ಭಯೋತ್ಪಾದನೆಯನ್ನು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಬಯಲಿಗೆಳೆದಿದೆ.
ರಾಷ್ಟ್ರೀಯ ತನಿಖಾ ಸಂಸ್ಥೆ (NIA) ನೇತೃತ್ವದಲ್ಲಿ ನಡೆದ ಈ ತನಿಖೆಯು ಬೈಸರನ್ ಹುಲ್ಲುಗಾವಲಿನಲ್ಲಿ ನಡೆದ ಘಟನೆಗಳನ್ನು ಹಂತ ಹಂತವಾಗಿ ಮರುಸೃಷ್ಟಿಸಿದ್ದು, ಸುಮಾರು 1,597 ಪುಟಗಳ ದೋಷಾರೋಪ ಪಟ್ಟಿ (Chargesheet) ಸಲ್ಲಿಸಿದೆ. ಇದು ಲಷ್ಕರ್-ಎ-ತೈಬಾ (LeT) ಮತ್ತು ಅದರ ಅಂಗಸಂಸ್ಥೆಯಾದ ‘ದಿ ರೆಸಿಸ್ಟೆನ್ಸ್ ಫ್ರಂಟ್’ (TRF) ನಡುವಿನ ನೇರ ಸಂಪರ್ಕವನ್ನು ಸಾಬೀತುಪಡಿಸಿದೆ.
ಪಾಕಿಸ್ತಾನದ ಸಂಚು ಬಯಲಾಗಿದ್ದು ಹೇಗೆ?
ತನಿಖೆಯಲ್ಲಿನ ದೊಡ್ಡ ತಿರುವು ಎಂದರೆ ಜೂನ್ 2025 ರಲ್ಲಿ ಬಂಧಿತರಾದ ಪರ್ವೈಜ್ ಅಹ್ಮದ್ ಮತ್ತು ಬಶೀರ್ ಅಹ್ಮದ್ ಜೋಥರ್ ಎಂಬ ಇಬ್ಬರು ಸ್ಥಳೀಯ ಕಾರ್ಯಕರ್ತರ ವಿಚಾರಣೆ. ದಾಳಿಗೂ ಕೆಲವು ದಿನಗಳ ಮೊದಲು ಹಿಲ್ ಪಾರ್ಕ್ನ ಗುಡಿಸಲೊಂದರಲ್ಲಿ ಮೂವರು ಪಾಕಿಸ್ತಾನಿ ಉಗ್ರರಿಗೆ ಆಶ್ರಯ ನೀಡಿದ್ದಾಗಿ ಇವರು ಒಪ್ಪಿಕೊಂಡಿದ್ದಾರೆ.
ಡಿಸೆಂಬರ್ 2025 ರಲ್ಲಿ ಸಲ್ಲಿಸಲಾದ ಚಾರ್ಜ್ಶೀಟ್ ಪ್ರಕಾರ, ಲಷ್ಕರ್ ಮುಖ್ಯಸ್ಥ ಹಫೀಜ್ ಸಯೀದ್ ಮತ್ತು ಟಿಆರ್ಎಫ್ ಮುಖ್ಯಸ್ಥ ಹಬೀಬುಲ್ಲಾ ಮಲಿಕ್ (ಸಾಜಿದ್ ಜಾಟ್) ಮುಖ್ಯ ಸಂಚುಕೋರರಾಗಿದ್ದಾರೆ. ಈಉಗ್ರರಿಗೆ ಆಧುನಿಕ ಶಸ್ತ್ರಾಸ್ತ್ರಗಳು, M4 ಕಾರ್ಬೈನ್ ಮತ್ತು ಹತ್ಯೆಗಳನ್ನು ಚಿತ್ರೀಕರಿಸಲು ಬಾಡಿ ಕ್ಯಾಮೆರಾಗಳನ್ನು ಒದಗಿಸಲಾಗಿತ್ತು.ಭಾರತದಲ್ಲಿ ಕೋಮು ಗಲಭೆ ಸೃಷ್ಟಿಸುವುದು ಮತ್ತು ಜಮ್ಮು ಕಾಶ್ಮೀರದ ಪ್ರವಾಸೋದ್ಯಮ ಆರ್ಥಿಕತೆಯನ್ನು ನಾಶಪಡಿಸುವುದು ಇವರ ಉದ್ದೇಶವಾಗಿತ್ತು.
ದಾಳಿ ನಡೆಸಿದವರು ಯಾರು? ಅವರ ಅಂತ್ಯ ಹೇಗಾಯಿತು?
ಫೈಸಲ್ ಜಟ್ (ಸುಲೇಮಾನ್ ಶಾ), ಹಬೀಬ್ ತಾಹಿರ್ (ಜಿಬ್ರಾನ್), ಮತ್ತು ಹಮ್ಜಾ ಅಫ್ಘಾನಿ ಎಂಬ ಮೂವರು ಉಗ್ರರು ಈ ಕೃತ್ಯ ಎಸಗಿದ್ದರು. ಸಾಕ್ಷಿಗಳ ಹೇಳಿಕೆಯ ಪ್ರಕಾರ, ಇವರು ಪ್ರವಾಸಿಗರನ್ನು ಧರ್ಮದ ಆಧಾರದ ಮೇಲೆ ವಿಂಗಡಿಸಿ, ಕಲಿಮಾ ಪಠಿಸುವಂತೆ ಒತ್ತಾಯಿಸಿ, ಹಿಂದೂ ಪುರುಷರನ್ನು ಗುರಿಯಾಗಿಸಿಕೊಂಡು ಗುಂಡಿಕ್ಕಿ ಸಾಯಿಸಿದ್ದರು.
ಆದರೆ ಈ ಉಗ್ರರ ಅಟ್ಟಹಾಸ ಬಹಳ ದಿನ ನಡೆಯಲಿಲ್ಲ. ‘ಆಪರೇಷನ್ ಮಹಾದೇವ’ ಹೆಸರಿನ ಕಾರ್ಯಾಚರಣೆಯಲ್ಲಿ ಜುಲೈ 29, 2025 ರಂದು ಶ್ರೀನಗರದ ದಾಚಿಗಾಮ್ ಅರಣ್ಯದಲ್ಲಿ ಈ ಮೂವರನ್ನೂ ಭದ್ರತಾ ಪಡೆಗಳು ಹೊಡೆದುರುಳಿಸಿದವು. ಅವರ ಬಳಿಯಿದ್ದ ಕ್ಯಾಮೆರಾಗಳಲ್ಲಿ ದಾಳಿಯ ದೃಶ್ಯಗಳು ಪತ್ತೆಯಾಗಿರುವುದು ತನಿಖೆಗೆ ನಿರ್ಣಾಯಕ ಸಾಕ್ಷಿಯಾಯಿತು.
ಭಾರತದ ಪ್ರತ್ಯುತ್ತರ
ಪಹಲ್ಗಾಮ್ ದಾಳಿಯು ಭಾರತ ಮತ್ತು ಪಾಕಿಸ್ತಾನದ ನಡುವಿನ ರಾಜತಾಂತ್ರಿಕ ಸಂಘರ್ಷವನ್ನು ತಾರಕಕ್ಕೇರುವಂತೆ ಮಾಡಿತು.
ಮೇ 2025 ರಲ್ಲಿ ಭಾರತವು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ ಮತ್ತು ಪಂಜಾಬ್ನ 9 ಭಯೋತ್ಪಾದಕ ಕೇಂದ್ರಗಳ ಮೇಲೆ ಕ್ಷಿಪಣಿ ಮತ್ತು ವೈಮಾನಿಕ ದಾಳಿ ನಡೆಸಿತು. ಅಲ್ಲದೆ, ಭಾರತವು ಸಿಂಧೂ ನದಿ ನೀರು ಹಂಚಿಕೆ ಒಪ್ಪಂದವನ್ನು ಸ್ಥಗಿತಗೊಳಿಸುವ (Abeyance) ಅಭೂತಪೂರ್ವ ತೀರ್ಮಾನ ಕೈಗೊಂಡಿತು.
ಭಾರತ ನೀಡಿದ ನಿರಾಕರಿಸಲಾಗದ ಪುರಾವೆಗಳಿಂದಾಗಿ, ಜುಲೈ 17, 2025 ರಂದು ಅಮೆರಿಕವು ಟಿಆರ್ಎಫ್ (TRF) ಅನ್ನು ಭಯೋತ್ಪಾದಕ ಸಂಘಟನೆ ಎಂದು ಘೋಷಿಸಿತು.
ತನಿಖೆಯ ಹಾಲಿ ಸ್ಥಿತಿ
ಮೂವರು ದಾಳಿಕೋರರು ಹತರಾಗಿದ್ದರೂ, ಈ ದಾಳಿಗೆ ಹಣಕಾಸು ಮತ್ತು ವ್ಯವಸ್ಥಿತ ನೆರವು ನೀಡಿದ ‘ವೈಟ್ ಕಾಲರ್’ ಭಯೋತ್ಪಾದಕ ಜಾಲದ ವಿರುದ್ಧ ಎನ್ಐಎ (NIA) ತನಿಖೆ ಮುಂದುವರಿದಿದೆ. ಸದ್ಯ ಜಮ್ಮುವಿನ ವಿಶೇಷ ಎನ್ಐಎ ನ್ಯಾಯಾಲಯದಲ್ಲಿ ಈ ಪ್ರಕರಣದ ವಿಚಾರಣೆ ನಡೆಯುತ್ತಿದ್ದು, ಗಡಿಯ ಆಚೆ ಕುಳಿತಿರುವ ಸಾಜಿದ್ ಜಾಟ್ನನ್ನು ಅಂತಾರಾಷ್ಟ್ರೀಯ ಕಾನೂನುಗಳ ಮೂಲಕ ಶಿಕ್ಷಿಸಲು ಸರ್ಕಾರ ಪಣತೊಟ್ಟಿದೆ. ಬೈಸರನ್ ಹತ್ಯಾಕಾಂಡದಂತಹ ಘಟನೆಗಳು ಮತ್ತೆ ಮರುಕಳಿಸದಂತೆ ನೋಡಿಕೊಳ್ಳುವ ಸರ್ಕಾರದ “ಉಕ್ಕಿನ ಸಂಕಲ್ಪ”ಕ್ಕೆ ಈ ತನಿಖೆಯೇ ಮುಂದೂಡುತ್ತಿದ್ದಾರೆ.
ಮಿನಿ ಸ್ವಿಟ್ಜರ್ಲ್ಯಾಂಡ್’ ಎಂದೇ ಕರೆಯಲ್ಪಡುವ ಪ್ರಸಿದ್ಧ ಬೈಸರನ್ ಹುಲ್ಲುಗಾವಲು ಮುಚ್ಚಲ್ಪಟ್ಟಿದೆ. ಒಂದು ಕಾಲದಲ್ಲಿ ಪ್ರವಾಸಿಗರಿಂದ ತುಂಬಿತುಳುಕುತ್ತಿದ್ದ ಸ್ಥಳಗಳಲ್ಲಿ ಈಗ ಮೌನ ಆವರಿಸಿದೆ.
ಅಲ್ಲಿನ ಪ್ರವಾಸೋದ್ಯಮ ಕುಸಿತ ಕಂಡಿದ್ದು, ಕುದುರೆ ಸವಾರಿಯನ್ನೇ ನಂಬಿ ಜೀವನ ನಡೆಸುವ ಕುಟುಂಬಗಳು ಇದೀಗ ಅತಂತ್ರ ಸ್ಥಿತಿಯಲ್ಲಿವೆ. ಜತೆಗೆ ಪ್ರವಾಸೋದ್ಯಮವನ್ನೇ ಅವಲಂಬಿಸಿರುವ ಅನೇಕ ಕುಟುಂಬಗಳು ಬೀದಿಗೆ ಬಂದಿವೆ.
ರೆಸ್ಟೋರೆಂಟ್ ಹಾಗೂ ಹೋಟೆಲ್ಗಳು ಖಾಲಿ ಬಿದ್ದಿವೆ. ಅಲ್ಲಿಗೆ ಭೇಟಿ ನೀಡುವ ಪ್ರವಾಸಿಗರು ಬೆಳಗ್ಗೆ ಚೆಕ್ ಇನ್ ಆಗಿ ಸಂಜೆಗೆಲ್ಲಾ ಖಾಲಿ ಮಾಡುವುದರಿಂದ ವ್ಯಾಪಾರ ಕುಸಿದಿದ್ದು, ಹೋಟೆಲ್ ಉದ್ಯಮ ಮುಚ್ಚುವ ಸ್ಥಿತಿಗೆ ತಲುಪಿದೆ.
ಪಹಲ್ಗಾಮ್ನ ಮಾರುಕಟ್ಟೆಗಳಲ್ಲಿ, ಶಾಲುಗಳು, ಕರಕುಶಲ ವಸ್ತುಗಳು ಮತ್ತು ಅಗತ್ಯ ವಸ್ತುಗಳನ್ನು ಮಾರಾಟ ಮಾಡುವ ಅಂಗಡಿಯವರು ಇದೀಗ ಕೆಲಸವಿಲ್ಲದೆ ದಿನ ದೂಡುತ್ತಿದ್ದಾರೆ. ಇದು ಸದ್ಯದ ಸ್ಥಿತಿ.
