ಬೆಳಗಾವಿ :
ಸಮೀಪದ ಬಿಜಗರ್ಣಿ ಗ್ರಾಮದಲ್ಲಿ ವಿದ್ಯುತ್ ತಂತಿ ಸ್ಪರ್ಶಗೊಂಡ ಪರಿಣಾಮ ರೈತ ದಂಪತಿ ಮೃತಪಟ್ಟ ಘಟನೆ ಭಾನುವಾರ ನಡೆದಿದೆ.
32 ವರ್ಷದ ಅಮಿತ್ ಉರ್ಫ್ (ನಿಸಾರ್ ಮಹಮದ್ ಮಕ್ಬುಲ್ ಸಾಬ್ ಸನದಿ ಉರ್ಫ್ ದೇಸಾಯಿ ) ಮತ್ತು 26 ವರ್ಷದ ಅವರ ಪತ್ನಿ ಲತಾ ನಿಸಾರ್ ಉರ್ಫ್ (ಅಮಿತ್ ಉರ್ಫ್ ದೇಸಾಯಿ) ಮೃತಪಟ್ಟವರು. ಪತಿಗೆ ವಿದ್ಯುತ್ ಸ್ಪರ್ಶವಾಗಿದೆ. ಪತಿಯನ್ನು ರಕ್ಷಿಸಲು ಹೋದ ಪತ್ನಿಗೂ ವಿದ್ಯುತ್ ಪ್ರವಹಿಸಿ ಇಬ್ಬರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ದಂಪತಿಗೆ ಪುಟ್ಟ ಮಗು ಇದೆ ಎಂದು ತಿಳಿದುಬಂದಿದೆ.
