ಬೆಳಗಾವಿ: ಖಾನಾಪುರ ತಾಲೂಕಿನ ನಾಗರಗಾಳಿ-ತಾವರಗಟ್ಟಿ ರೈಲ್ವೆ ನಿಲ್ದಾಣಗಳ ನಡುವಿನ ಅರಣ್ಯ ಪ್ರದೇಶದಲ್ಲಿ ಮಂಗಳವಾರ ಸಂಜೆ ಮರ ಬಿದ್ದ ಪರಿಣಾಮ ಅಳ್ನಾವರ-ಲೊಂಡಾ ಮಾರ್ಗದಲ್ಲಿ ಸಂಚರಿಸುವ ರೈಲು ಸಂಚಾರದಲ್ಲಿ ವ್ಯತ್ಯಾಸ ಉಂಟಾಗಿದೆ.
ಗುಡುಗು ಮಳೆಗೆ ರೈಲ್ವೆ ಹಳಿ ಪಕ್ಕದ ಸುಮಾರು 30 ಅಡಿ ಎತ್ತರದ ಮರ ನೇರವಾಗಿ ಹಳಿಗೆ ಬಿದ್ದಿದೆ. ಆ ಮಾರ್ಗದಲ್ಲಿ ಹೊರಟಿದ್ದ ಕೊಲ್ಲಾಪುರ-ತಿರುಪತಿ ಎಕ್ಸ್ ಪ್ರೆಸ್ ರೈಲು ಘಟನಾ ಸ್ಥಳದ ಬಳಿ ಬಂದು ನಿಂತಿದೆ. ತಕ್ಷಣ ಸಿಬ್ಬಂದಿ ಆಗಮಿಸಿ ಮೇಲಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ. ಸ್ಥಳೀಯರ ನೆರವಿನಿಂದ ಮರವನ್ನು ತೆರವುಗೊಳಿಸಿ ಒಂದು ಬದಿಯಲ್ಲಿ ರೈಲು ಸಂಚಾರಕ್ಕೆ ಅನುಕೂಲತೆ ಒದಗಿಸಿಕೊಡಲಾಯಿತು.
Get latest news updates delivered straight to your WhatsApp.
