ಖಡೇಬಜಾರ್ ರಸ್ತೆಯಲ್ಲಿ ಬೈಕ್ ಕದಿಯುತ್ತಿದ್ದ ಖದಿಮರು..!
ಬೆಳಗಾವಿ: ನಗರದ ಮಾರ್ಕೆಟ್ ಪೊಲೀಸ್ ಠಾಣೆ ವ್ಯಾಪ್ತಿಯ ಖಡೇಬಜಾರ ರಸ್ತೆಯ ಪಕ್ಕದಲ್ಲಿ ಪಾರ್ಕಿಂಗ್ ಮಾಡಿದ ಮೋಟಾರ್ ಬೈಕ್‌ಗಳನ್ನು ಕಳ್ಳತನ ಮಾಡಿಕೊಂಡು ಪರಾರಿಯಾಗಿದ್ದ ಇಬ್ಬರು ಖದಿಮ ಕಳ್ಳರನ್ನು ಬೈಕ್ ಸಮೇತ ಬಂಧಿಸುವಲ್ಲಿ ಮಾರ್ಕೆಟ್ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಈ ಕಳ್ಳತನ ಪ್ರಕರಣವನ್ನು ಡಿಸಿಪಿ ಸ್ನೇಹಾ ಪಿ ವಿ ಮಾರ್ಗದರ್ಶನದಲ್ಲಿ ಮಾರ್ಕೇಟ್ ಎಸಿಪಿ ನಾರಾಯಣ ವಿ ಭರಮನಿ ನೇತೃತ್ವದಲ್ಲಿ ಪಿಐ ಮಹಾಂತೇಶ ಕೆ ಧಾಮಣ್ಣವರ, ಪಿಎಸ್ಐ ವಿಠ್ಠಲ ಹವನ್ನವರ ಮತ್ತು ಸಿಬ್ಬಂದಿಯವರ ತಂಡ
1. ಸಂತೋಷ ಶಿವಪ್ಪಾ ಬೇವಿನಕೊಪ್ಪ (29) ಸಾ: ಇಂಚಲ ತಾ: ಸವದತ್ತಿ ಜಿ: ಬೆಳಗಾವಿ
2. ಅಬುಬಕರ ಸಿಕಂದರ್ ಸವದಿ (21) ಸಾ: ಶ್ರೀನಗರ ಗಾರ್ಡನ್ ಹತ್ತಿರ ಬೆಳಗಾವಿ
ಇವರನ್ನು ಬಂಧಿಸಿ ಅವರಿಂದ 2,40.000/- ರೂ ಮೌಲ್ಯದ ಒಟ್ಟು 06 (ಹಿರೋ ಹೊಂಡಾ ಸ್ಪೆಂಡರ್-3, ಸಿಡಿ ಡಿಲಕ್ಸ್-1, ಆಕ್ಟಿವಾ -1 ಹೀರೊ ಮೆಸ್ಟೋ-1) ಮೋಟರ್ ಸೈಕಲ್‌ಗಳನ್ನು ಜಪ್ತ ಮಾಡಿ ಇವರ ವಿರುದ್ಧ ಕಾನೂನು ಕ್ರಮ ಜರುಗಿಸಿ, ತನಿಖೆ ಮುಂದುವರೆಸಿದ್ದಾರೆ.
ಮೇಲಿನ ಆರೋಪಿಗಳನ್ನು ಪತ್ತೆ ಮಾಡುವಲ್ಲಿ ಶ್ರಮಿಸಿದ ಮಾರ್ಕೆಟ್ ಠಾಣೆಯ ಪಿಐ, ಪಿಎಸ್ಐ ಮತ್ತು ಸಿಬ್ಬಂದಿಯವರ ಕಾರ್ಯವನ್ನು ಪೊಲೀಸ್ ಆಯುಕ್ತರು ಉಪ-ಪೊಲೀಸ್ ಆಯುಕ್ತರು (ಕಾ&ಸು) ಹಾಗೂ (ಅ&ಸಂ) ರವರು ಶ್ಲಾಘಿಸಿದ್ದಾರೆ.
