ದೆಹಲಿ :
ಬಿಜೆಪಿ ವಿರೋಧಿಸುವ ಪ್ರತಿಪಕ್ಷಗಳ ಒಕ್ಕೂಟ ವಾಗಿರುವ ಇಂಡಿಯನ್ ನ್ಯಾಷನಲ್ ಡೆವಲಪ್ಮೆಂಟ್ ಇನ್ ಕ್ಲೂಸಿವ್ ಅಲಯನ್ಸ್ (ಇಂಡಿಯಾ) ತಮ್ಮ ಒಕ್ಕೂಟದ ಅಧಿಕೃತ ಧ್ವಜವನ್ನಾಗಿ ಅಶೋಕ ಚಕ್ರ ಇಲ್ಲದ ತ್ರಿವರ್ಣ ಧ್ವಜವನ್ನು ಹೊಂದಲು ಚಿಂತನೆ ನಡೆಸಿವೆ. ಆಗಸ್ಟ್ 31 ರಂದು ಮುಂಬೈಯಲ್ಲಿ ನಡೆಯಲಿರುವ ಸಭೆಯಲ್ಲಿ ಈ ಬಗ್ಗೆ ಚರ್ಚಿಸಲಿವೆ. ಈ ಸಭೆಯಲ್ಲಿ ಇನ್ನು ಮುಂದೆ ದೇಶದಲ್ಲಿ ನಡೆಯಲಿರುವ ಒಕ್ಕೂಟ ನಡೆಸುವ ಸಭೆ, ರ್ಯಾಲಿಯಲ್ಲಿ ಒಂದೇ ಧ್ವಜ ಪ್ರದರ್ಶಿಸಲು ಮಾತುಕತೆ ನಡೆಸಲಾಗುತ್ತಿದೆ. ಇದು ಅಶೋಕ ಚಕ್ರವಿಲ್ಲದ ತ್ರಿವರ್ಣ ಧ್ವಜವಾಗುವ ಸಾಧ್ಯತೆ ಹೆಚ್ಚಿದೆ.
