ಬೆಳಗಾವಿಯಲ್ಲಿ ಒಂದು ಜಗಳ ಮೂರು ಸಾವು..!
ನಶೆಯಲ್ಲಿ ವಿಷ ಸೇವಿಸಿದ್ದ ಮಸ್ತಿ ಸಂಸಾರ ಆಯಿತು ಸರ್ವನಾಶ..!
ಬೆಳಗಾವಿ: ಮನೆ ನಡೆಸಬೇಕಾಗಿದ್ದ ಒಡೆಯ ಸರಾಯಿ ಕುಡಿದು ಸಂಸಾರದಲ್ಲಿ ರಸ ಕಳೆದುಕೊಂಡು ಮಡದಿಯೊಂದಿಗೆ ಜಗಳವಾಡಿದ್ದಾನೆ. ನಶೆಯಲ್ಲಿ ವಿಷ ಕುಡಿದು ಚಿಕಿತ್ಸೆ ಫಲಕಾರಿಯಾಗದೇ ಸಾವನಪ್ಪಿದ್ದಾನೆ. ಮನೆ ಯಜಮಾನನ್ನು ಕಳೆದುಕೊಂಡ ಮಡದಿ ತನ್ನ ಮುದ್ದು ಕಂದನನ್ನು ಕೊಂದು ತಾನೂ ನೇಣಿಗೆ ಶರಣಾಗಿದ್ದಾಳೆ. ಇಂತಹ ಕರುಳು ಕಿತ್ತು ಬರುವ ಭೀಕರ ಘಟನೆಯೊಂದು ಇಂದು ಹೊಸ ವಂಟಮೂರಿ ಗ್ರಾಮದಲ್ಲಿ ನಡೆದಿದೆ.
ಏನಿದು ಘಟನೆ ..?
ಬೆಳಗಾವಿ ತಾಲೂಕಿನ ಹೊಸ ವಂಟಮೂರಿ ಗ್ರಾಮದ 25 ವರ್ಷದ ಹೊಳೆಪ್ಪಾ ಮಾರುತಿ ಮಸ್ತಿ ಎಂಬಾತ ನಿನ್ನೆ (ಗುರುವಾರ-20 )ಸರಾಯಿ ಕುಡಿದು ಮನೆಗೆ ಬಂದು ಕ್ಷುಲ್ಲಕ ಕಾರಣಕ್ಕಾಗಿ ಪತ್ನಿ ವಾಸಂತಿಯೊಂದಿಗೆ ಜಗಳವಾಡಿದ್ದಾನೆ. ಅದೆ ಗುಂಗಿನಲ್ಲಿ ವಿಷ ಸೇವಿಸಿದ್ದಾನೆ. ತಕ್ಷಣ ಇತನನ್ನು ಆಸ್ಪತ್ರೆಗೆ ಸಾಗಿಸಿ ಚಿಕಿತ್ಸೆ ನೀಡಿದ್ದರೂ ಫಲಕಾರಿಯಾಗದೇ ಸಾವನಪ್ಪಿದ್ದಾನೆ.
ಪತಿಯ ಸಾವಿನಿಂದಾಗಿ ತಿವ್ರವಾಗಿ ಮನನೊಂದ ಪತ್ನಿ ವಾಸಂತಿವ ಇಂದು (ಶುಕ್ರವಾರ) ಮಧ್ಯಾಹ್ನ ತನ್ನ ಒಂದೂವರೆ ವರ್ಷದ ಎರಡನೇ ಮಗಳನ್ನು ಎತ್ತಿಕೊಂಡು ಸಮೀಪದ ಮುಸ್ಲಿಂ ಒಬ್ಬರ ಹೊಲಕ್ಕೆ ಹೋಗಿದ್ದಾಳೆ. ಮೊದಲು ಮಗಳನ್ನು ಕತ್ತು ಹಿಸುಕಿ ಸಾಯಿಸಿದ್ದಾಳೆ. ನಂತರ ತಾನೂ ಓಡನಿಯಿಂದ ಮರಕ್ಕೆ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.
ಒಂದು ಜಗಳ ಪತಿ- ಪತ್ನಿ ಅಷ್ಟೇ ಅಲ್ಲದೆ ಬದುಕಿ ಬಾಳ ಬೇಕಾಗಿದ್ದ ಏನು ಅರಿಯದ ಮುದ್ದು ಕಂದಮ್ಮಳ ಪ್ರಾಣವನ್ನು ಕಸಿದುಕೊಂಡು ಇಡಿ ಕುಟುಂಬವೇ ಸಾವಿಗೆ ಶರಣಾಗಿರುವ ಘಟನೆ ಕಂಡು ಇಡಿ ವಂಟಮೂರಿ ಗ್ರಾಮವೇ ಬೆಚ್ಚಿ ಬಿದ್ದಿದು, ಮನಕುಲದ ಮನಃ ಕರುಗುವಂತಹ ದುರಂತವೊಂದು ನಡೆದಿದೆ.
ಈ ಕುರಿತು ಕಾಕತಿ ಪೊಲೀಸ್ ಠಾಣೆಯಲ್ಲಿ ಎರಡು ಪ್ರತ್ಯೇಕ ಪ್ರಕರಣಗಳು ದಾಖಲಾಗಿವೆ. ಘಟನೆ ಸುದ್ದಿ ತಿಳಿಯುತ್ತಿದ್ದಂತೆ ಪಿಐ ಗುರುನಾಥ ಐ ಎಸ್, ಪಿಎಸ್ಐ ಮಂಜುನಾಥ ಹುಲಕುಂದ ಸಿಬ್ಬಂದಿ ಪ್ರಕಾಶ ಬಲ್ಲಾಳ, ವಿರುಪಾಕ್ಷೀ ಮಾನಗಾವಿ ಸೇರಿದಂತೆ ಇತರರು ಘಟನೆ ಸ್ಥಳಕ್ಕೆ ದಾವಿಸಿ ಪರಿಶೀಲನೆ ನಡೆಸಿ ಹೆಚ್ಚಿನ ತನಿಖೆ ಕೈಕೊಂಡಿದ್ದಾರೆ.
