ಬೆಳಗಾವಿ :ಕರ್ನಾಟಕ ಮತ್ತು ಗೋವಾ ನಡುವಿನ ಮನಮೋಹಕ ದೂದ್ ಸಾಗರ ಜಲಪಾತ ನೋಡಲು ರವಿವಾರ ತೆರಳಿದ ಪ್ರವಾಸಿಗರಿಗೆ ಗೋವಾ ಪೊಲೀಸರು ಬಸ್ಕಿ ಶಿಕ್ಷೆ ಹೊಡೆಸಿ ಕಳಿಸಿದ್ದಾರೆ. ಈ ಕುರಿತ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲಾಗಿದೆ.
ಜಲಪಾತ ಪಶ್ಚಿಮ ಘಟ್ಟದ ಭಗವಾನ್ ಮಹಾವೀರ ಉದ್ಯಾನ ಮೊಲ್ಲೆಂ ರಾಷ್ಟ್ರೀಯ ಉದ್ಯಾನದ ಬಳಿ ಇದೆ. ದಟ್ಟ ಕಾಡಿನಿಂದ ಸುತ್ತುವರಿದಿದೆ. ಟ್ರಕಿಂಗ್ ಹೋಗುವವರಿಗೆ ಇದು ಅತ್ಯಂತ ಪ್ರಶಸ್ತ ಜಾಗ. ಹೀಗಾಗಿ ಅನೇಕರು ರೈಲ್ವೆ ಟ್ರ್ಯಾಕ್ ನಲ್ಲಿ ಬರುತ್ತಾರೆ. ಇಲ್ಲಿ ಪ್ರವೇಶ ನಿಷೇಧ ಇದ್ದರು ಯುವಕರು ದೂದಸಾಗರ ನೋಡಲು ತೆರಳಿದ್ದಾರೆ. ವಾರಾಂತ್ಯದ ರಜೆಗೆ ಬೆಳಗಾವಿ ಸೇರಿದಂತೆ ನೆರೆಹೊರೆಯ ಜಿಲ್ಲೆಗಳಿಂದ ತೆರಳಿದ್ದ ಯುವಕರಿಗೆ ಗೋವಾ ಪೊಲೀಸರು ಬಸ್ಕಿ ಹೊಡೆಸುವ ಶಿಕ್ಷೆ ನೀಡಿದ್ದಾರೆ.
ಜಲಪಾತ ವೀಕ್ಷಣೆಗೆ ಗೋವಾ ನಿರ್ಬಂಧ ವಿಧಿಸಿದೆ. ಕರ್ನಾಟಕ ಭಾಗದಿಂದ ಜೋಯಿಡಾ ತಾಲೂಕಿನ ಕ್ಯಾನ್ಸಲ್ ರಾಕ್ ನಿಂದ ರೈಲ್ವೆ ಮಾರ್ಗ ಅಥವಾ ರೈಲು ಹಳಿ ಬಳಿ ಟ್ರಕ್ಕಿಂಗ್ ಮೂಲಕ ತೆರಳಬೇಕು. ರೈಲ್ವೆ ಇಲಾಖೆ ಇಲ್ಲಿ ರೈಲ್ವೆ ಹಳಿ ಪಕ್ಕದಲ್ಲಿ ನಡೆದ ಸಾಗಲು ನಿರ್ಬಂಧ ಹೇರಿದೆ. ನಿರ್ಬಂಧ ವಿಧಿಸಿದ್ದರೂ ಪ್ರವಾಸಿಗರು ಜಲಪಾತ ವೀಕ್ಷಣೆಗೆ ತೆರಳುತ್ತಾರೆ. ಕೆಲವರು ದೂದಸಾಗರ ಮಾರ್ಗವಾಗಿ ರೈಲ್ವೆಯಲ್ಲಿ ಸಾಗಿ ದೂದಸಾಗರ ಬಳಿ ರೈಲಿನ ವೇಗ ಕಡಿಮೆಯಾಗುತ್ತಿದ್ದಂತೆ ಇಳಿಯುತ್ತಾರೆ. ವಾರಾಂತ್ಯ ರವಿವಾರ ಆಗಿದ್ದರಿಂದ ಜನದಟ್ಟಣೆ ಉಂಟಾಗಿದೆ.
ಹೀಗಾಗಿ ಪೊಲೀಸರು ಮತ್ತು ಅರಣ್ಯ ಇಲಾಖೆ ಸಿಬ್ಬಂದಿ ಪ್ರವಾಸಿಗರನ್ನು ತಡೆದು ಬಸ್ಕಿ ಶಿಕ್ಷೆ ನೀಡಿದ್ದಾರೆ.
