ಟಿಪ್ಪರಗೆ ಬಲಿಯಾದ ದುರ್ದೈವಿ ಯುವಕರು ಅಂಬೇವಾಡಿ ಗ್ರಾಮದವರು..!
ಕಳಚಿ ಹೊದ ಎರಡು ಕುಟುಂಬಕ್ಕಿದ್ದ ಆಸರೆಗಳು.
ಇದ್ದೊಬ್ಬ ಪುತ್ರರನ್ನು ಕಳೆದುಕೊಂಡ ಅನಾಥವಾದ ಕುಟುಂಬಗಳು..!
ಬೆಳಗಾವಿ : 24 ವರ್ಷದ ಯೋಗೇಶ್ ಸಂಭಾಜೀ ನಾವಿ ಹಾಗೂ 27 ವರ್ಷದ ನಿತೇಶ ವೈಜು ತರಳೆ ಇಂದು ಅಗಸಗಿ ಹಾಗೂ ಕಡಿಮಿಶನ್ ಮಧ್ಯೆ ಇರುವ ತಿರುವಿನಲ್ಲಿ ಸಂಭವಿಸಿದ ಅಪಘಾತದಲ್ಲಿ ಭೀಕರವಾಗಿ ಮೃತಪಟ್ಟ ದುರ್ದೈವಿಗಳು.
ಅವಿವಾಹಿತರಾಗಿದ್ದ ಇಬ್ಬರು, ಕ್ಷೌರಿಕ ಯೋಗೇಶ್ ಹಾಗೂ ಗ್ಯಾರೇಜ್ ಕೆಲಸ ಮಾಡುತ್ತಿದ್ದ ನಿತೇಶ ಎರಡು ಕುಟುಂಬವರಿಗೆ ಇವರು ಒಬ್ಬೂಬ್ಬರೆ ಪುತ್ರರಾಗಿದ್ದು, ಎರಡು ಕುಟುಂಬದವರಿಗೆ ಆಸರೆಯಾಗಿದ್ದರು.
ಈ ಅಪಘಾತ ಅಂಬೇವಾಡಿ ಗ್ರಾಮಸ್ಥರಿಗೆ ಊಹಿಸಲಾಗದಂತಹ ಘಟನೆಯಾದಂತಾಗಿದೆ. ಮೃತ ಯುವಕರ ಕುಟುಂಬವರ ಆಕ್ರಂದನ ಮುಗಿಲು ಮುಟ್ಟಿದೆ. ಇವರಿಬ್ಬರ ದೇಹವನ್ನು ಶವಪರೀಕ್ಷೆಗಾಗಿ ಕಾಕತಿ ಪೊಲೀಸರು ಜಿಲ್ಲಾಸ್ಪತ್ರೆಗೆ ಸಾಗಿಸಿ ಮುಂದಿನ ತನಿಖೆ ಕೈಕೊಂಡಿದ್ದಾರೆ.
ನಾಳೆ ಇವರ ಅಂತ್ಯಕ್ರಿಯೆ ಅಂಬೇವಾಡಿ ಗ್ರಾಮದಲ್ಲಿ ಮುಂಜಾನೆ 11 ಗಂಟೆಗೆ ನೇರವೇರಲಿದೆ.
ಈ ಕುರಿತು ಕಾಕತಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
