ಬೆಳಗಾವಿ :
ಉಸಿರುಗಟ್ಟಿಸಿ ಮಹಿಳೆಯನ್ನು ಕೊಲೆಗೈದ ಪ್ರಕರಣ ಬೇಧಿಸುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಈ ಸಂಬಂಧ ಮೂವರನ್ನು ಯಮಕನಮರಡಿ ಪೊಲೀಸರು ಬಂಧಿಸಿದ್ದಾರೆ.
ಶ್ರೀದೇವಿ ದೀಪಕ್ ಬೇವಿನಕಟ್ಟಿ -31 ವರ್ಷ. ಮದುವೆಯಾಗಿ 3 ವರ್ಷ ವಾಗಿತ್ತು. ಇವರಿಗೆ ಕಿರುಕುಳ ನೀಡಿ ಕೊಲೆಗೈದ ಆರೋಪದ ಮೇರೆಗೆ ಮೂವರನ್ನು ಬಂಧಿಸಲಾಗಿದೆ. ಇವರ ಗಂಡನ ಊರು ಹಿಡಕಲ್ ಡ್ಯಾಮ್.
ದೀಪಕ್ ರಾಮಚಂದ್ರ ಬೇವಿನಕಟ್ಟಿ-34 ವರ್ಷ, ಮೃತ ಮಹಿಳೆಯ ಗಂಡ. ಹಿಡಕಲ್ ಡ್ಯಾಮ್, ಪದ್ಮಾವತಿ ರಾಮಚಂದ್ರ ಬೇವಿನಕಟ್ಟಿ-50 ವರ್ಷ, ಮೃತ ಮಹಿಳೆಯ ಅತ್ತೆ ಹಾಗೂ ರಾಮಚಂದ್ರ ತಿಪ್ಪಣ್ಣ ಬೇವಿನಕಟ್ಟಿ-64 ವರ್ಷ, ಮೃತ ಮಹಿಳೆಯ ಮಾವ ಬಂಧಿತರು.
ಕೊಲೆಗೆ ಕಾರಣ : ಅತ್ತೆ -ಸೊಸೆ ಜಗಳ ಕಾರಣ. ಜತೆಗೆ 3 ವರ್ಷ ವಾದರೂ ಮಕ್ಕಳಾ ಗದಿರುವುದು, ತವರು ಮನೆಯಿಂದ ಹಣ ತರಲು ಗಂಡನ ಬೇಡಿಕೆಯಿಂದ ಮಹಿಳೆಯನ್ನು ಕೊಲೆಗೈಯ್ಯಲಾಗಿದೆ. ಈ ಮೂವರು ಸೇರಿ ಉಸಿರುಗಟ್ಟಿಸಿ ಕೊಲೆ ಮಾಡಿರುವುದು ವಿಚಾರಣೆ ವೇಳೆ ಬಹಿರಂಗವಾಗಿದೆ.
