ಬೆಳಗಾವಿ :
ಬಹು ನಿರೀಕ್ಷಿತ ಬೆಳಗಾವಿ- ಮುಂಬೈ ಮಾರ್ಗದಲ್ಲಿ ಹೆಚ್ಚುವರಿಯಾಗಿ ಆರಂಭಿಸಿರುವ ವಿಮಾನಯಾನ ಸೇವೆಗೆ ರವಿವಾರ ಚಾಲನೆ ಸಿಕ್ಕಿದೆ. ಸ್ಟಾರ್ ಏರ್ ಸಂಸ್ಥೆ ಇದೀಗ ವಾರದ ಏಳು ದಿನ ವಿಮಾನಯಾನದ ಸೇವೆ ನೀಡಲಿದೆ.
ಈ ಮೊದಲು ವಾರದಲ್ಲಿ ಮಂಗಳವಾರ, ಬುಧವಾರ, ಗುರುವಾರ, ಶನಿವಾರ ಸೇವೆ ನೀಡುತ್ತಿತ್ತು. ಇದೀಗ ವಾರದ ಏಳೂ ದಿನಗಳ ಕಾಲ ವಿಮಾನಯಾನ ಸೇವೆ ನೀಡಲಿದೆ.
ಮುಂಬೈಯಿಂದ ಮಧ್ಯಾಹ್ನ 12.15ಕ್ಕೆ ಹೊರಡಲಿರುವ ವಿಮಾನ ಬೆಳಗಾವಿಗೆ 1.25ಕ್ಕೆ ತಲುಪಲಿದೆ. ಇಲ್ಲಿಂದ 1.55ಕ್ಕೆ ಹೊರಡುವ ವಿಮಾನ 3.10 ಕ್ಕೆ ಮುಂಬೈ ತಲುಪಲಿದೆ.
ಈ ವಿಮಾನ ಯಾನ ಸೇವೆಯಿಂದ ಬೆಳಗಾವಿ ಹಾಗೂ ಮುಂಬೈ ನಡುವೆ ಪ್ರಯಾಣಿಸುವ ಪ್ರಯಾಣಿಕರಿಗೆ ಭಾರಿ ಪ್ರಮಾಣದಲ್ಲಿ ಅನುಕೂಲವಾಗಲಿದೆ.
