ನೂತನ ಸಿಎಂಗೆ ಟಗರು ಉಡುಗೊರೆ..!

ಕೋಲಾರ:
ಎರಡನೇ ಬಾರಿ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಿದ ಸಿದ್ದರಾಮಯ್ಯ ಅವರಿಗೆ ಉಡುಗೊರೆ ನೀಡಲು ಕೋಲಾರದ ಅವರ ಅಭಿಮಾನಿಗಳು 1 ಲಕ್ಷ ಮೌಲ್ಯದ ಟಗರು ಖರೀದಿಸಿದ್ದಾರೆ.

ಜಿಲ್ಲಾ ಕುರುಬರ ಸಂಘದ ಕಾರ್ಯಾಧ್ಯಕ್ಷ ಜೆ.ಕೆ.ಜಯರಾಂ ನೇತೃತ್ವದಲ್ಲಿ ಸಿದ್ದರಾಮಣ್ಣ ಸೇನೆ’ ಅಭಿಮಾನಿಗಳು ಶನಿವಾರ ಟಗರಿನ ಮೆರವಣಿಗೆ ನಡೆಸಿದರು. ಕೋಲಾರಮ್ಮ ದೇವಾಲಯ ಸೇರಿದಂತೆ ನಾನಾ ಕಡೆ ಪೂಜೆ ಮಾಡಿಸಿ ಸಿದ್ದರಾಮಯ್ಯ ಅವರಿಗೆ ಭಾನುವಾರ ತಲುಪಿಸಲಿದ್ದಾರೆ. ಈ ಟಗರು 67 ಕೆ.ಜಿ ತೂಕವಿದೆ.