ಬೆಳಗಾವಿಯಲ್ಲಿ ಅಪ್ರಾಪ್ತೆ ಮೇಲೆ ಆರು ಜನ ಯುವಕರಿಂದ ನಿರಂತರ ಅತ್ಯಾಚಾರ ..?
ಕಾಕತಿ ಠಾಣೆ ವ್ಯಾಪ್ತಿಯ ಎರಡು ಗುಡ್ಡಗಳ ಮೇಲೆ ಅತ್ಯಾಚಾರ ಮಾಡಿ ವಿಡಿಯೋ ಮಾಡಿದ ಕಾಮುಕರು..?
ಬೆಳಗಾವಿ ನಗರದಲ್ಲಿ ಒಂದೇ ತಿಂಗಳಲ್ಲಿ ಬೆಳಕಿಗೆ ಬಂದ ಎರಡು ಪ್ರಕರಣಗಳು..!
ಬೆಳಗಾವಿ : ಬೆಳಗಾವಿ ನಗರದಲ್ಲಿನ 15 ವರ್ಷದ ಅಪ್ರಾಪ್ತೆಯನ್ನು ಆರು ಜನ ಯುವಕರು ಸೇರಿಕೊಂಡು ಕಿಡ್ನಾಪ್ ಮಾಡಿ ಕೆಲ ದಿನಗಳ ಹಿಂದೆ ಅತ್ಯಾಚಾರ ಮಾಡಿದ್ದಲ್ಲದೇ ಆ ನೀಚ ಕೃತ್ಯದ ವಿಡಿಯೋ ಮಾಡಿ ಬಾಲಕಿಯನ್ನು ಬ್ಲ್ಯಾಕ್ ಮೇಲ್ ಮಾಡುತ್ತ ನಿರಂತರವಾಗಿ ಅತ್ಯಾಚಾರ ಮಾಡುತ್ತಿದ್ದ ಯುವಕರ ವಿರುದ್ಧ ಬಾಲಕಿ ಪೋಷಕರು ಪೊಲೀಸ ಠಾಣೆಯಲ್ಲಿ ದೂರು ದಾಖಲಿಸಿರುವ ಘಟನೆ ನಡೆದಿದೆ.
ನಗರದ ಎಪಿಎಂಸಿ ಠಾಣೆಯ ವ್ಯಾಪ್ತಿಯಲ್ಲಿ ವಾಸವಾಗಿರುವ ಬಾಲಕಿಯನ್ನು ಕಾರಿನಲ್ಲಿ ಕರೆದೊಯ್ದ ಯುವಕರು ಕಾಕತಿ ಠಾಣೆ ವ್ಯಾಪ್ತಿಯ ಕಾಕತಿಯ ವಿಂಡಮಿಲ್ಲ ಹಾಗೂ ಅಲತಗೆ ಖಡಿಮಿಷನ್ ಗುಡ್ಡದ ಮೇಲೆ ಅತ್ಯಾಚಾರ ಎಸಗಿದ್ದಾರೆ. ಅಷ್ಟಕ್ಕೆ ಸುಮ್ಮನಾಗದ ಕಾಮುಕರು ಅವಳೊಂದಿಗೆ ನಡೆಸಿದ ನೀಚ ಕೃತ್ಯದ ಸನ್ನಿವೇಶಗಳು ತಮ್ಮ ಮೊಬೈಲ್ ನಲ್ಲಿ ಸೆರೆಹಿಡಿದು ಬ್ಲ್ಯಾಕ್ ಮೇಲ್ ಮಾಡಿ ಮೇಲಿಂದ ಮೇಲೆ ಲೈಂಗಿಕವಾಗಿ ಬಳಸಿಕೊಂಡು ಮತ್ತೆ ಮತ್ತೆ ಅದನ್ನೆ ಮುಂದುವರಿಸಿದ್ದಾರೆ. ಈ ವಿಷಯ ಬಾಲಕಿಯ ಪೋಷಕರ ಗಮನಕ್ಕೆ ಬರುತ್ತಿದ್ದಂತೆ ಬ್ಲ್ಯಾಕ್ ಮೇಲ್ ಮಾಡುತಿದ್ದ 19 ವರ್ಷದ ಒರ್ವ ಯುವಕನನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿರುವುದಾಗಿ ತಿಳಿದು ಬಂದಿದೆ. ಆ ಕಾಮುಕ ಯುವಕನನ್ನು ವಶಕ್ಕೆ ಪಡೆದಿರುವ APMC ಪೊಲೀಸರು ಉಳಿದ ಆರೋಪಿಗಳಾಗಿ ತಿವ್ರ ಶೋಧ ನಡೆಸಿದ್ದಾರೆ.
ಬೆಳಗಾವಿ ಕ್ರೈಂ ನಗರವಾಗುತ್ತಿದ್ದು, ಒಂದೇ ತಿಂಗಳಿನಲ್ಲಿ ಅಪ್ರಾಪ್ತೆ ಮೇಲೆ ಅತ್ಯಾಚಾರ ನಡೆದಿರುವ ಎರಡನೇ ಘಟನೆ ಇದಾಗಿದೆ.
ಒಂದು ರೀತಿಯಲ್ಲಿ ನಿನ್ನೆಯಷ್ಟೇ ಬಂದಿರುವ ಹೊಸ ಪೊಲೀಸ ಕಮೀಷನರ್ ಗೆ ಇದು ಕೆಟ್ಟ ಘಟನೆ ಮೂಲಕ ಸ್ವಾಗತಿಸಿದಂತಾಗಿದೆ.
ಈ ಕುರಿತು APMC ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
