ಬೆಳಗಾವಿ :
ಬೆಳಗಾವಿ ತಾಲೂಕಿನ ರಾಜಹಂಸಗಡ ಕೋಟೆಗೆ ಮಾಜಿ ಸಚಿವ ಮತ್ತು ಗೋಕಾಕ ಬಿಜೆಪಿ ಶಾಸಕ ರಮೇಶ ಜಾರಕಿಹೊಳಿ ಹಾಗೂ ಇತರ ಬಿಜೆಪಿ ನಾಯಕರು ಶನಿವಾರ ತೆರಳಿದ್ದರು. ಬೆಳಗಾವಿ ಗ್ರಾಮೀಣ ಮತಕ್ಷೇತ್ರದ ಕಾಂಗ್ರೆಸ್ ಶಾಸಕಿ ಲಕ್ಷ್ಮೀ ಹೆಬ್ಬಾಳ್ಕರ್ ಅವರ ಸಹೋದರ ವಿಧಾನ ಪರಿಷತ್ ಸದಸ್ಯ ಚನ್ನರಾಜ ಹಟ್ಟಿಹೊಳಿ ಅವರ ಕಾರು ಸಹ ಇದೇ ವೇಳೆ ಎದುರು ಬದುರು ಆಯಿತು.
ರಾಜಹಂಸಗಡ ಕೋಟೆಗೆ ಶನಿವಾರ ವಿಧಾನ ಪರಿಷತ್ ಸದಸ್ಯ ಚನ್ನರಾಜ ಹಟ್ಟಿ ಹೊಳಿ ಭೇಟಿ ನೀಡಿ ವಾಪಸ್ ಆಗುತ್ತಿರುವಾಗ ರಮೇಶ ಜಾರಕಿಹೊಳಿಯವರ ವಾಹನ ನಿಲ್ಲಬೇಕಾಯಿತು. ಆಗ ನಾಯಕರ ವಾಹನ ಚಾಲಕರು ಸರಿಯದೆ ವಾಹನ ನಿಲ್ಲಿಸಿದರು. ಬಿಜೆಪಿ ಕಾರ್ಯಕರ್ತರು ರಮೇಶ ಜಾರಕಿಹೊಳಿ ಅವರಿಗೆ ಜೈಕಾರ ಮೊಳಗಿಸಿದರು. ಅತ್ತ ಚೆನ್ನರಾಜ ಪರವಾಗಿ ಕಾಂಗ್ರೆಸ್ ಕಾರ್ಯಕರ್ತರು ಜೈಕಾರ ಹಾಕಿದರು. ನಂತರ ಕೆಲ ಹೊತ್ತಿನ ಬಳಿಕ ಉಭಯ ನಾಯಕರ ಕಾರುಗಳು ಪಕ್ಕಕ್ಕೆ ಸರಿದ ನಂತರ ಪರಿಸ್ಥಿತಿ ತಿಳಿಕೊಂಡಿತು.
