ನವದೆಹಲಿ:ಸಿಬಿಐನ ಮುಖ್ಯ ನಿರ್ದೇಶಕರಾಗಿ ಕರ್ನಾಟಕ ಕೇಡರ್ನ ಹಿರಿಯ ಐಪಿಎಸ್ ಅಧಿಕಾರಿ ಪ್ರವೀಣ್ ಸೂದ್ ಅವರನ್ನೇ ಮತ್ತೆ ಒಂದು ವರ್ಷ ವಿಸ್ತರಿಸಿ ಕೇಂದ್ರ ಸರ್ಕಾರ ಆದೇಶ ಹೊರಡಿಸಿದೆ. 2023ರಲ್ಲಿ ಮೊದಲ ಬಾರಿಗೆ ಹುದ್ದೆಗೆ 2 ವರ್ಷದ ಅವಧಿಗೆನೇಮಕಗೊಂಡಿದ್ದಸೂದ್ ಅವರನ್ನು ಕಳೆದ ವರ್ಷ 1 ವರ್ಷ ವಿಸ್ತರಿಸಲಾಗಿತ್ತು. ಇದೀಗ ಮತ್ತೆ 2027ರ ಮೇ 24ರವರೆಗೆ ವಿಸ್ತರಿಸಲಾಗಿದೆ.
ಹೊಸ ನಿರ್ದೇಶಕರ ಆಯ್ಕೆಗೆ ಪ್ರಧಾನಿ,ಸುಪ್ರೀಂಕೋರ್ಟ್ ಮುಖ್ಯ ನ್ಯಾಯಾಧೀಶ ಮತ್ತು ಲೋಕಸಭೆಯ ವಿಪಕ್ಷ ನಾಯಕರ ನೇತೃತ್ವದ ಸಮಿತಿ ಮಂಗಳವಾರ ಸಭೆ ನಡೆಸಿತ್ತು. ಆದರೆ ಆಯ್ಕೆ ಪ್ರಕ್ರಿಯೆ ಸೂಕ್ತವಾಗಿಲ್ಲ ಎಂದು ವಿಪಕ್ಷ ನಾಯಕ ರಾಹುಲ್ ಗಾಂಧಿ ಸಮಿತಿಯ ನಿರ್ಧಾರಕ್ಕೆ ತಮ್ಮ ಭಿನ್ನಾಭಿಪ್ರಾಯ ಟಿಪ್ಪಣಿ ದಾಖಲಿಸಿದ್ದರು. ಅದರ ಹೊರತಾಗಿಯೂ ಬಹುಮತದ ಅಭಿಪ್ರಾಯದ ಅನ್ವಯ ಸೂದ್ ಆಯ್ಕೆಯನ್ನು ಅನುಮೋದಿಸಲಾಗಿದೆ.
