ಬೆಳಗಾವಿ : ಹಾಡ ಹಗಲೇ ಹಣ ದೋಚಿಕೊಂಡು ಹೋದ ಇಬ್ಬರ ಮೇಲೆ ಇದೀಗ ಬೆಳಗಾವಿ ಟಿಳಕವಾಡಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ಅನಗೋಳ ಕೊರವಿಗಲ್ಲಿಯ ಸೋಮನಾಥ ಶಂಕರ ಕಿಲ್ಲೇಕರ ಎಂಬ ಪಿಗ್ಮಿ ಕಲೆಕ್ಷನ್ ಮಾಡುವ ವ್ಯಕ್ತಿ ಈ ಬಗ್ಗೆ ಪೊಲೀಸರಿಗೆ ದೂರು ನೀಡಿದ್ದಾರೆ.
ದಿನಾಂಕ: 15/07/2024 ರಂದು
ಬೆಳಗ್ಗೆ 10.00 ಗಂಟೆಯಿಂದ 11.00 ಗಂಟೆಯ ನಡುವಿನ ಅವಧಿಯಲ್ಲಿ ಕೊರವಿಗಲ್ಲಿ, ಅನಗೋಳ ಮನೆಯಲ್ಲಿ ಈ ಹಣ ಕಳ್ಳತನ ನಡೆದಿದೆ.
ಪ್ರತೀಕ ಬೀಡಿಕರ ಮತ್ತು ಅನಗೋಳ ಬಾಬಲೆಗಲ್ಲಿಯ ಆಕಾಶ ಸಾಹೀಲ್ ಪಠಾಣ ಎಂಬುವವರ ಮೇಲೆ ದೂರು ನೀಡಿದ್ದಾರೆ.
ದಿನಾಂಕ: 15/07/2024 ರಂದು ಮುಂಜಾನೆ 10.00 ಗಂಟೆಯಿಂದ 11.00 ಗಂಟೆಯ ನಡುವಿನ ಅವಧಿಯಲ್ಲಿ ಅನಗೋಳ ಕೊರವಿಗಲ್ಲಿ, ಮನೆಯ ದೇವರ ಕೋಣೆಯಲ್ಲಿ ಶ್ರೀ ಶಾಂತಪಣ್ಣ ಮಿರ್ಜಿ ಅರ್ಬನ್ ಕೋಆಪರೇಟೀವ್ ಬ್ಯಾಂಕಿನಲ್ಲಿ ಪಿಗ್ಮಿ ಕಲೆಕ್ಷನ್ ಮಾಡಿಕೊಂಡು ಬಂದ ಇಟ್ಟ 2.35.000/- ರೂಗಳನ್ನು ಪಿರ್ಯಾದಿರವರ ಹೆಂಡತಿ ಬಾಗಿಲನ್ನು ಒಪನ್ ಆಗಿ ಇಟ್ಟು ಕೆಲಸ ಮಾಡುತ್ತಿರುವಾಗ ಸಂಶಯಾಸ್ಪದ ವ್ಯಕ್ತಿಗಳಾದ 1) ಪ್ರತೀಕ ಬೀಡಿಕರ ಸಾ॥ ಬೆಳಗಾವಿ 2) ಆಕಾಶ ಸಾಹೀಲ ಪಟಾನ ಸಾ॥ ಬಾಬಲೆಗಲ್ಲಿ ಅನಗೋಳ ಬೆಳಗಾವಿ ಇವರು ತೆಗೆದುಕೊಂಡು ಹೋಗಿರಬಹುದು, ಈ ಬಗ್ಗೆ ಕಳುವಾದ ಹಣ 2,35,000/-ರೂ. ಮತ್ತು ಆರೋಪಿತರನ್ನು ತಪಾಸಣೆ ಮಾಡಿ ಮುಂದಿನ ಕಾನೂನು ಕ್ರಮ ಕೈಗೊಳ್ಳಲು ಅವರು ದೂರಿನಲ್ಲಿ ಮನವಿ ಮಾಡಿದ್ದಾರೆ.
