ಬೆಳಗಾವಿ :
ಅಬಾ ಸ್ಪೋರ್ಟ್ಸ್ ಮತ್ತು ಹಿಂದ್ ಸ್ಪೋರ್ಟ್ಸ್ ಕ್ಲಬ್‌ನ ಈಜುಪಟು ದಿಶಾ ಅವರು ಇತ್ತೀಚೆಗೆ ಒಡಿಸ್ಸಾದ ಭುವನೇಶ್ವರದಲ್ಲಿ ನಡೆದ ರಾಷ್ಟ್ರೀಯ ಜೂನಿಯರ್ ಮತ್ತು ಸಬ್ ಜೂನಿಯರ್ ಈಜು ಸ್ಪರ್ಧೆಯಲ್ಲಿ ಕರ್ನಾಟಕ ರಾಜ್ಯವನ್ನು ಪ್ರತಿನಿಧಿಸಿದ್ದಳು. ಬಾಲಕಿಯರ ಗುಂಪು ಮೂರರಲ್ಲಿ ಒಂದು ಚಿನ್ನ ಮತ್ತು ಒಂದು ಬೆಳ್ಳಿ ಪದಕದೊಂದಿಗೆ ವಿಜೇತಳಾದಳು.
ಕರ್ನಾಟಕ ರಾಜ್ಯದಲ್ಲಿ ತನ್ನ ಗುಂಪಿನಲ್ಲಿ ಮೊದಲ ಸ್ಥಾನದಲ್ಲಿದ್ದ ದಿಶಾ, 4 x 50 ಮೀ. ಫ್ರೀಸ್ಟೈಲ್ ರಿಲೇ ಮತ್ತು 4 x 50 ಮೀ. ಮಿಡಲೆ ರಿಲೇಯಲ್ಲಿ ಅತ್ಯುತ್ತಮ ಪ್ರದರ್ಶನದೊಂದಿಗೆ, ತನ್ನ ಕರ್ನಾಟಕ ತಂಡವನ್ನು ಅದ್ಭುತ ಯಶಸ್ಸಿನತ್ತ ಮುನ್ನಡೆಸಿದಳು.
ದಿಶಾ ಅವರು ಅಬಾ ಮತ್ತು ಹಿಂದ್ ಸ್ಪೋರ್ಟ್ಸ್ ಕ್ಲಬ್‌ನ ಈಜುಗಾರ್ತಿ ಹಾಗೂ ಎಮ್. ಆರ್. ಭಂಡಾರಿ ಶಾಲೆಯ ವಿದ್ಯಾರ್ಥಿನಿ ಆಗಿದ್ದಾಳೆ. ಅಬಾ ಹಿಂದ್ ಕ್ಲಬ್‌ನ ಎನ್‌ಐಎಸ್‌ ಈಜು ತರಬೇತುದಾರ ವಿಶ್ವಾಸ್ ಪವಾರ್, ಅಮಿತ್ ಜಾಧವ್, ರಂಜಿತ್ ಪಾಟೀಲ್, ಸತೀಶ್ ಧನುಚೆ, ಸಂದೀಪ್ ಮೋಹಿತೆ, ಮಾರುತಿ ಘಾಡಿ, ಕಿಶೋರ್ ಪಾಟೀಲ್ ಮಾರ್ಗದರ್ಶನ ನೀಡಿದ್ದರು. ಅಬಾ ಕ್ಲಬ್‌ನ ಆಡಳಿತ ಸದಸ್ಯರಾದ ನ್ಯಾಯವಾದಿ ಮೋಹನ್ ಸಪ್ರೆ, ಅಧ್ಯಕ್ಷ ಅರವಿಂದ ಸಂಗೋಳಿ, ಶೀತಲ್ ಹುಲಬತ್ತೆ ಅಭಿನಂದಿಸಿದ್ದಾರೆ.
