ಬೆಳಗಾವಿ : ಗೋವಾದಿಂದ ಬೆಳಗಾವಿಗೆ ಸಂಪರ್ಕ ಕಲ್ಪಿಸುವ ಚೋರ್ಲಾ ಘಾಟ್ ರಸ್ತೆಯ ಅಂಜಣೆ ಎಂಬ ಅಣೆಕಟ್ಟು ಪ್ರದೇಶದ ಬಳಿ ರಸ್ತೆ ಕುಸಿದಿದೆ. ಆದರೆ ಈ ಮಾರ್ಗದಲ್ಲಿ ತಕ್ಷಣ ದುರಸ್ತಿ ಕಾರ್ಯ ಕೈಗೊಳ್ಳದೇ ಇದ್ದಲ್ಲಿ ವಾಹನ ಸಂಚಾರ ಸ್ಥಗಿತಗೊಳ್ಳುವ ಸಾಧ್ಯತೆ ಇದೆ. ಪಶ್ಚಿಮ ಘಟ್ಟದಲ್ಲಿ ಧಾರಾಕಾರವಾಗಿ ಮಳೆ ಸುರಿಯುತ್ತಿದೆ. ಭಾರಿ ಮಳೆಗೆ ಸಂಚಾರ ವ್ಯವಸ್ಥೆ ತೀರಾ ಹದಗೆಟ್ಟಿದೆ. ರಸ್ತೆಯ ಮೇಲೆ ಮರ ಬಿದ್ದು ವಾಹನ ಸಂಚಾರಕ್ಕೆ ಅಡಚಣೆ ಉಂಟಾಗಿದೆ. ಗೋವಾದಿಂದ ಅನಮೋಡ ಮಾರ್ಗದ ರಸ್ತೆ ಸಂಪೂರ್ಣ ಹದಗೆಟ್ಟಿದ್ದು ವಾಹನ ಸಂಚಾರಕ್ಕೆ ಯೋಗ್ಯವಾಗಿಲ್ಲ. ಬದಲಿ ಮಾರ್ಗವಾಗಿರುವ ಚೋರ್ಲಾ ಘಾಟ್ ಸಹಾ ಕುಸಿದಿದ್ದು ಪ್ರಯಾಣಿಕರಲ್ಲಿ ಆತಂಕ ಮನೆ ಮಾಡಿದೆ.
ಬೆಳಗಾವಿ-ಚೋರ್ಲಾ ಸಂಪರ್ಕಿಸುವ ಘಾಟ್ ರಸ್ತೆ ಕುಸಿತ
![ಬೆಳಗಾವಿ-ಚೋರ್ಲಾ ಸಂಪರ್ಕಿಸುವ ಘಾಟ್ ರಸ್ತೆ ಕುಸಿತ ಬೆಳಗಾವಿ-ಚೋರ್ಲಾ ಸಂಪರ್ಕಿಸುವ ಘಾಟ್ ರಸ್ತೆ ಕುಸಿತ](https://janajeevala.com/wp-content/uploads/2024/07/IMG_20240716_174132-860x566.jpg?v=1721131824)