ಉತ್ತಮ ಸ್ಥಾನ ಪಡೆದು ಸಂಸ್ಥೆಗೆ ಕೀರ್ತಿ ತನ್ನಿ : ಡಾ. ಶಿವಕುಮಾರ್
ಬೆಳಗಾವಿ :ಜೈನ ಕಾಲೇಜನಲ್ಲಿ ಎಮ್‌ಸಿಎ ವಿದ್ಯಾರ್ಥಿಗಳಿಗೆ ಉತ್ತಮ ಶಿಕ್ಷಣ ನೀಡಲಾಗುತ್ತಿದೆ. ಕಳೆದ ಹಲವಾರು ವರ್ಷಗಳಿಂದ ಇಲ್ಲಿ ಈ ಪದವಿ ಪಡೆದ ನೂರಾರು ವಿದ್ಯಾರ್ಥಿಗಳು ವಿವಿಧ ಕಂಪನಿಗಳಲ್ಲಿ ಉತ್ತಮ ಸ್ಥಾನಗಳಲ್ಲಿ ಸೇವೆ ಸಲ್ಲಿಸುತ್ತಿದ್ದು, ಒಳ್ಳೆಯ ಸಂಭಾವನೆ ಪಡೆಯುತ್ತಿದ್ದಾರೆ.
ಇದೇ ರೀತಿ ಈಗ ಕಾಲೇಜನಿಂದ ಎಮ್‌ಸಿಎ ಪದವಿ ಮುಗಿಸಿ ಹೊರ ಹೋಗುತ್ತಿರುವ ವಿದ್ಯಾರ್ಥಿಗಳೂ ಒಳ್ಳೆಯ ಕಂಪನಿ, ಬ್ಯಾಂಕ್ ಮುಂತಾದೆಡೆ ಸೇವೆ ಸಲ್ಲಿಸುವಂತಾಗಲಿ ಎಂದು ಪ್ರಾಚಾರ್ಯ ಡಾ. ಜೆ. ಶಿವಕುಮಾರ್ ಹಾರೈಸಿದರು.
ಅವರು ದಿ. ೨೧ ರಂದು ಮಚ್ಚೆಯ ಜೈನ ಕಾಲೇಜ್ ಆಫ್ ಇಂಜಿನಿಯರಿAಗ್ ನಲ್ಲಿ ೨೦೨೩-೨೪ ನೇ ಸಾಲಿನ ಎಮ್ ಸಿಎ ವಿದ್ಯಾರ್ಥಿಗಳ ಬೀಳ್ಕೊಡುಗೆ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡುತ್ತಿದ್ದರು.
ಈ ಸಂದರ್ಭದಲ್ಲಿ ಮುಖ್ಯ ಅತಿಥಿಗಳಾಗಿದ್ದ ಎಚ್‌ಓಡಿ ಡಾ. ಪ್ರವೀಣಕುಮಾರ್ ಬಂನ್ಸೊಡೆ ಅವರು ಮಾತನಾಡುತ್ತಾ, ಜೈನ ಸಂಸ್ಥೆಯ ಹಲವಾರು ಶಿಕ್ಷಣ ಸಂಸ್ಥೆಗಳು ಉತ್ತಮ ಶಿಕ್ಷಣ ನೀಡುವುದರಲ್ಲಿಮುಂಚೂಣಿಯಲ್ಲಿದೆ. ಇಂತಹ ಸಂಸ್ಥೆಯಲ್ಲಿ ಶಿಕ್ಷಣ ಪಡೆದ ನೀವು ಧನ್ಯರು. ಭವಿಷ್ಯದಲ್ಲಿ ನೀವೆಲ್ಲರೂ ಉನ್ನತ ಸ್ಥಾನಕ್ಕೇರಿ ನಮಗೂ, ಸಂಸ್ಥೆಗೂ ಕೀರ್ತಿ ತರುವಂತಾಗಲಿ ಎಂದು ಹಾರೈಸಿದರು.
ವೇದಿಕೆ ಮೇಲೆ ಪ್ರೊ. ವಿನಾಯಕ ಪಟ್ಕಿ,ಪ್ರೊ. ಮಿಲಿಂದ ಪವಾರ, ಪ್ರೊ. ಸೋನಲ್ ಪತಂಗೆ, ಪ್ರೊ. ಸ್ವಾತಿ ಸಂಗೊಳ್ಳಿ,
ಡಾ. ಪೂರ್ಣಚಂದ್ರ, ಪ್ರೊ. ಸೋಫಿಯಾ ಮುಂತಾದವರು ಹಾಜರಿದ್ದರು.
