ಚುನಾವಣಾ ಅಧಿಕಾರಿಗಳು ಮನೆ ಮನೆಗೆ ಭೇಟಿ

ಬೆಳಗಾವಿ :
ಬೆಳಗಾವಿ ಉತ್ತರ ೧೧ ಹಾಗೂ ಬೆಳಗಾವಿ ದಕ್ಷಿಣ ೧೨, ವಿಧಾನಸಭಾ ಮತಕ್ಷೇತ್ರಗಳ ಮತದಾರರ ಪಟ್ಟಿಯ ವಿಶೇಷ ಸಂಕ್ಷಿಪ್ತ ಪರಿಷ್ಕರಣೆ ೨೦೨೪ ರ ನಿಮಿತ್ಯ ಮತದಾರರ ನೋಂದಣಿ ಜು. ೨೧ ೨೦೨೩ ರಿಂದ ಆ. ೨೧ ೨೦೨೩ ರ ವರೆಗೆ ಮತಗಟ್ಟೆ ಮಟ್ಟದ ಅಧಿಕಾರಿಗಳು ಮನೆ ಮನೆಗೆ ಭೇಟಿ ನೀಡುವ ಕಾರ್ಯಕ್ರಮ ನಡೆಯಲಿದೆ,
ಹೊಸದಾಗಿ ಮತದಾರರ ನೋಂದಣಿ, ಮರಣ ಹೊಂದಿದಲ್ಲಿ ಮತ್ತು ಸ್ಥಳಾಂತರ, ತಿದ್ದಪಡಿ, ವರ್ಗಾವಣೆ ಮಾಡಲು ಆಗಸ್ಟ್. ೨೧ ೨೦೨೩ ರ ವರಗೆ ಸಂಬಂಧಿಸಿದ ಮತಗಟ್ಟೆ ಮಟ್ಟದ ಅಧಿಕಾರಿಗಳಿಗೆ ಅವಶ್ಯಕ ದಾಖಲೆಗಳ ದೃಢೀಕರಣಗಳೋದಿಗೆ ಸಲ್ಲಿಸಬಹುದಾಗಿದೆ,
ಸದರಿ ವಿಧಾನಸಭಾ ಮತಕ್ಷೇತ್ರಗಳಲ್ಲಿನ ಸಾರ್ವಜನಿಕರು ಸರ್ವೆ ಕಾರ್ಯದ ಸದುಪಯೋಗ ಪಡೆದಕೊಳ್ಳಬಹುದು ಎಂದು ಬೆಳಗಾವಿ ಉತ್ತರ ೧೧ ಹಾಗೂ ೧೨ ಬೆಳಗಾವಿ ದಕ್ಷಿಣ ವಿಧಾನಸಭಾ ಮತಕ್ಷೇತ್ರ ಹಾಗೂ ಮತದಾರರ ನೋಂದಣಾಧಿಕಾರಿಗಳು, ಬೆಳಗಾವಿ ಮಹಾನಗರ ಪಾಲಿಕೆ ಆಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ