ಬೆಳಗಾವಿ: ಮಹಾನಗರ ಪಾಲಿಕೆ ಆಯುಕ್ತರಾಗಿ ಹೊಸದಾಗಿ ಬಂದಿರುವ ಶುಭ ಅವರು ಇದೀಗ ಸ್ಕೂಟಿ ಏರಿ ಬೆಳಗಾವಿ ನಗರದ ಪರ್ಯಟನೆಗೆ ಮುಂದಾಗಿದ್ದಾರೆ. ಅದರಲ್ಲೂ ಅವರು ಬೆಳಗಾವಿಯನ್ನು ಅತ್ಯಂತ ಸ್ವಚ್ಛ ಹಾಗೂ ಸುಂದರ ನಗರವನ್ನಾಗಿ ನಿರ್ಮಿಸಲು ಪಣತೊಟ್ಟಿದ್ದು ಕಸ ತುಂಬಿಕೊಂಡು ಹೋಗುತ್ತಿರುವ ವಾಹನ ಹಿಂದೆ ಅವರು ತೆರಳುತ್ತಿರುವ ದೃಶ್ಯ ಈಗ ಸಾರ್ವಜನಿಕರ ಗಮನ ಸೆಳೆದಿದೆ.
ಅವರು ಇದೀಗ ಖುದ್ದಾಗಿ ದ್ವಿಚಕ್ರ ವಾಹನ ಸವಾರಿ ಮೂಲಕ ಸ್ವಚ್ಛತೆ ಪರಿಶೀಲನೆಗೆ ತೆರಳಿರುವುದು ಬೆಳಗಾವಿ ಸ್ವಚ್ಛ ಹಾಗೂ ಸುಂದರ ನಗರವನ್ನಾಗಿ ಮಾಡುವಲ್ಲಿ ಎಷ್ಟರಮಟ್ಟಿಗೆ ಫಲ ನೀಡುತ್ತದೆ ಕಾದುನೋಡಬೇಕಾಗಿದೆ.
