ಬೆಳಗಾವಿ:
ಬ್ರಹ್ಮಕುಮಾರೀಸ್ ವತಿಯಿಂದ ಶಾಂತಿ ಸಮಾವೇಶ ಉದ್ಘಾಟನೆ ನಗರದ ಶಗುನ್ ಉದ್ಯಾನದಲ್ಲಿ ಶುಕ್ರವಾರ ಸಂಜೆ 4ರಿಂದ 9ರವರೆಗೆ ನಡೆಯಲಿದೆ.
ಬ್ರಹ್ಮಕುಮಾರೀಸ್ ಮೌಂಟ್ ಅಬು ಉಪಮಹಾಮುಖ್ಯಸ್ಥೆ ಹಾಗೂ ಯುರೋಪ ವಲಯ ಲಂಡನ್ ರಾಜಯೋಗಿನಿ ಬ್ರಹ್ಮಕುಮಾರಿ ಜಯಂತಿ ದಾದಿಜೀ ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ.
ಮಂಟ್ ಅಬು ಬ್ರಹ್ಮಕುಮಾರೀಸ್ ಕೇಂದ್ರದ ಕಾರ್ಯನಿರ್ವಾಹಕ ಕಾರ್ಯದರ್ಶಿ ಮೃತ್ಯುಂಜಯ ಭಾಯಿಜೀ ಆಶೀರ್ವಚನ ನೀಡಲಿದ್ದಾರೆ.
ಹುಕ್ಕೇರಿ ಹಿರೇಮಠದ ಶ್ರೀ ಚಂದ್ರಶೇಖರ ಶಿವಾಚಾರ್ಯ ಸ್ವಾಮೀಜಿ ಹಾಗೂ ಮೌಂಟ್ ಅಬು ಹಿರಿಯ ರಾಜಯೋಗಿನಿ ಹಂಸ ಬೆಹನ ಜೀ ಸಾನಿಧ್ಯ ವಹಿಸಲಿದ್ದಾರೆ.
ನಗರಾಭಿವೃದ್ಧಿ ಇಲಾಖೆ ಕಾರ್ಯದರ್ಶಿ ಡಾ. ಅಜಯ ನಾಗಭೂಷಣ, ಪ್ರಾದೇಶಿಕ ಆಯುಕ್ತ ಎಂ. ಜಿ. ಹಿರೇಮಠ, ಸಾಂಬ್ರಾ ಏರ್ಪೋರ್ಟ್ ನಿರ್ದೇಶಕ ರಾಜೇಶ ಮೌರ್ಯ, ಕೊಪ್ಪಳ ಎಸ್ಪಿ ಯಶೋದಾ ವಂಟಗೋಡಿ ಹಾಗೂ ಬೆಳಗಾವಿ ಜಿಲ್ಲಾ ಬ್ರಹ್ಮಕುಮಾರೀಸ್ ಮುಖ್ಯಸ್ಥೆ ರಾಜಯೋಗಿನಿ ಅಂಬಿಕಾ ದೀದಿ ಭಾಗವಹಿಸಲಿದ್ದಾರೆ. ಸಾರ್ವಜನಿಕರು ಆಗಮಿಸಲು ಕೋರಲಾಗಿದೆ.
