ಜನ ಜೀವಾಳ ಜಾಲ: ಬೆಳಗಾವಿ :ಬೆಳಗಾವಿ ನಗರದ ಪಿಎಸ್ಐ ವಿರುದ್ಧ ಮಹಿಳಾ ಪೊಲೀಸ್ ಠಾಣೆಯಲ್ಲಿ ಅತ್ಯಾಚಾರ ಪ್ರಕರಣ ದಾಖಲಾಗಿದೆ. ಬೆಳಗಾವಿಯ ವೈರ್ ಲೆಸ್ ಪೊಲೀಸ್ ಸಬ್ ಇನ್ಸ್ಪೆಕ್ಟರ್ ಲಾಲ್ ಸಾಬ್ ಅಲ್ಲಸಾಬ್ ನದಾಫ್(28) ಪೋಲಿಸ್ ಕಚೇರಿಯಲ್ಲಿ ವೈರ್ಲೆಸ್ ಶಾಖೆಯಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾನೆ. ಅವನ ವಿರುದ್ಧ ದೂರು ದಾಖಲಾಗಿದೆ. ಜನಗೌಡ ಅವರ ನೇತೃತ್ವದಲ್ಲಿ ತನಿಖೆ ನಡೆಸಿ ವಿಚಾರಣೆ ಕೈಗೆತ್ತಿಕೊಳ್ಳಲಾಗಿದೆ.
ಘಟನೆ ವಿವರ : ದೂರುದಾರ ಯುವತಿ ರಾಮದುರ್ಗ ತಾಲೂಕಿನವರಾಗಿದ್ದು, ಬೆಳಗಾವಿ ಪೊಲೀಸ್ ಕಮಿಷನರ್ ರೇಟ್ ಕಚೇರಿ ವ್ಯಾಪ್ತಿಯಲ್ಲಿ ಬರುವ ವೈರ್ ಲೆಸ್ ಪಿಎಸ್ಐ ಲಾಲ್ ಸಾಬ್ ಅಲ್ಲಸಾಬ್ ನದಾಫ್ ಎಂಬುವವರೊಂದಿಗೆ 2020 ರ ಜೂನ್ ನಲ್ಲಿ ಫೇಸ್ಬುಕ್ ಮೂಲಕ ಪರಿಚಯವಾಗಿದೆ. ಇಬ್ಬರ ನಡುವೆ ಸ್ನೇಹ ಪರಸ್ಪರ ಪ್ರೇಮಕ್ಕೆ ತಿರುಗಿದೆ. ನಂತರ ಇಬ್ಬರ ನಡುವೆ ಮದುವೆ ಪ್ರಸ್ತಾಪವು ಆಗಿದೆ. ಈ ಸಂದರ್ಭದಲ್ಲಿ ದೂರದ ಸಂಬಂಧಿ ಎಂಬ ಅಂಶವು ಗೊತ್ತಾಗಿದೆ.
ನಂತರ ಲಾಲ್ ಸಾಬ್ ಯುವತಿಯನ್ನು ಬೆಳಗಾವಿಯ ಸುಭಾಷ್ ನಗರದ ತನ್ನ ಕೊಠಡಿಗೆ ಕರೆದುಕೊಂಡು ಹೋಗಿ ಬಲಾತ್ಕಾರಕ್ಕೆ ಪ್ರಯತ್ನಿಸಿದ್ದಾನೆ. ನಂತರ ಬೆಂಗಳೂರಿಗೂ ಕರೆದುಕೊಂಡು ಹೋಗಿ ಪುಸಲಾಯಿಸಿ ದೈಹಿಕ ಸಂಪರ್ಕ ಮಾಡುವಂತೆ ಒಪ್ಪಿಸಿದ್ದಾನೆ.
ಹಲವು ಬಾರಿ ನಮ್ಮಿಬ್ಬರ ನಡುವೆ ದೈಹಿಕ ಸಂಪರ್ಕ ಏರ್ಪಟ್ಟಿದೆ. ನನ್ನನ್ನು ಪತ್ನಿ ಎಂದೇ ಸಂಭೋಧಿಸುತ್ತಿದ್ದ. ಆದ್ದರಿಂದ ನಾನು ಧೈರ್ಯದಿಂದ ಇದ್ದೆ. ಆತ ಮದುವೆಯಾಗುವುದಾಗಿ ಹೇಳಿ ಬಾಂಡ್ ಸಹ ಮಾಡಿದ್ದಾನೆ ಎಂದು ಯುವತಿ ದೂರು ನೀಡಿದ್ದಾಳೆ.
ಕಳೆದ 15 ದಿನಗಳ ಹಿಂದೆ ಲಾಲ್ ಸಾಬ್ ಅವರ ಅಣ್ಣ ಮಹಮ್ಮದ ನದಾಫ ಅವರಿಗೆ ಕರೆ ಮಾಡಿದಾಗ ಅವರು ಲಾಲ್ ಸಾಬ್ ಅನಾರೋಗ್ಯಕ್ಕೆ ತುತ್ತಾಗಿದ್ದು ಆರೋಗ್ಯ ಸುಧಾರಿಸುವವರೆಗೆ ಸಮಯ ಕೊಡಿ ಎಂದು ಹೇಳಿದ್ದಾರೆ. ಜೊತೆಗೆ ಆಗಾಗ ಮದುವೆ ವಿಷಯ ಪ್ರಸ್ತಾಪಿಸಿದಾಗ ನಾನು ನಿನ್ನನ್ನು ಮದುವೆಯಾಗುವುದಿಲ್ಲ. ಏನು ಮಾಡಿಕೊಳ್ಳುತ್ತೀಯೊ ಮಾಡಿಕೋ ಎಂದು ನನ್ನೊಂದಿಗೆ ಸಂಪರ್ಕ ಬಿಟ್ಟಿದ್ದಾನೆ. ಆದರೆ ಇದೀಗ ಫೆಬ್ರವರಿ 10 ರಂದು ಆತ ಮತ್ತೊಂದು ಮದುವೆಯಾಗಿದ್ದು, ತನಗೆ ಮೋಸ ಮಾಡಿರುವುದಾಗಿ ದೂರಿನಲ್ಲಿ ಯುವತಿ ತಿಳಿಸಿದ್ದಾಳೆ. ನನ್ನನ್ನು ಮದುವೆ ಮಾಡಿಕೊಳ್ಳುವುದಾಗಿ ನಂಬಿಸಿ ಒತ್ತಾಯಪೂರ್ವಕವಾಗಿ ದೈಹಿಕ ಸಂಪರ್ಕ ಮಾಡಿದ ಹಿನ್ನೆಲೆಯಲ್ಲಿ ಆತನ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಯುವತಿ ದೂರು ನೀಡಿದ್ದಾಳೆ.
