ಬೆಳಗಾವಿ :ದ್ವಿಚಕ್ರವಾಹನ ಕದಿಯುತ್ತಿದ್ದ ಇಬ್ಬರನ್ನು ಬಂಧಿಸಿರುವ ಸಂಕೇಶ್ವರ ಪೊಲೀಸರು ಬಂಧಿತರಿಂದ ಸುಮಾರು ರೂ.18,30,000 ಮೌಲ್ಯದ 27 ದ್ವಿಚಕ್ರವಾಹನಗಳನ್ನು ವಶಕ್ಕೆ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ.
ಲಕ್ಷ್ಮಣ ವಿರುಪಾಕ್ಷಿ ಕಣಬರಗಿ (31), (ಸಾ : ಅಂಕಲಗಿ ತಾ: ಗೋಕಾಕ ಹಾಲಿ ಸಮರ್ಥ ನಗರ ಬೆಳಗಾವಿ), ಫಕೀರಪ್ಪ ಸಿದ್ದಪ್ಪ ಕರಿಗಾರ (25) (ಸಾ: ಹಿರೇಹಟ್ಟಿ ತಾ: ಗೋಕಾಕ ಹಾಲಿ ಬೋಳಕಡಬಿ ತಾ: ಯರಗಟ್ಟಿ) ಬಂಧಿತರು.
ಅಜಿತ ಸುಭಾಷ ಅರಬೋಳೆ ಸಾ: ಜುಗೂಳ ತಾ: ಕಾಗವಾಡ ನೀಡಿದ ದೂರಿನಂತೆ ಕಾರ್ಯ ಪ್ರವೃತ್ತರಾದ ಪೊಲೀಸರು ತಂಡ ರಚನೆ ಮಾಡಿ ದ್ವಿಚಕ್ರವಾಹನ ಕಳ್ಳತನ ಮಾಡಿದ ಪ್ರಕರಣದ ಪತ್ತೆ ಕೈಗೊಂಡು ದಿ. 2-04-2026 ಲಕ್ಷ್ಮಣ ವಿರುಪಾಕ್ಷಿ ಕಣಬರಗಿ ಹಾಗೂ ಫಕೀರಪ್ಪ ಸಿದ್ದಪ್ಪ ಕರಿಗಾರ ಇವರನ್ನು ವಿಚಾರಣೆಗೆ ಒಳಪಡಿಸಿದಾಗ ಕೃತ್ಯವೆಸಗಿದ ಬಗ್ಗೆ ಒಪ್ಪಿಕೊಂಡಿರುತ್ತಾರೆ.
ಸಂಕೇಶ್ವರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
