ಬೆಳಗಾವಿ: ನಗರದ ಅನಗೋಳದಲ್ಲಿರುವ 4ನೇ ರೈಲ್ವೇ ಅಂಡರ್ ಬ್ರಡ್ಜ್ ಕಾಮಗಾರಿಯನ್ನು ದಿನಾಂಕ:20.06.2025 ರಿಂದ 19.06.2026 ರವರೆಗೆ ಹಮ್ಮಿಕೊಳ್ಳಲಾಗಿದೆ. ಸುಮಾರು ಒಂದು ವರ್ಷ ಈ ಕಾಮಗಾರಿ ನಡೆಯುತ್ತದೆ. ಸದರಿ ಕಾಮಗಾರಿ ಮುಕ್ತಾಯದವರೆಗೆ ಸಾರ್ವಜನಿಕ ಸುಗಮ ಸಂಚಾರ ವ್ಯವಸ್ಥೆ ಕುರಿತು ಈ ಕೆಳಗೆ ನಮೂದಿಸಿದ ಮಾರ್ಗಗಳಲ್ಲಿ ಎಲ್ಲ ಮಾದರಿಯ ವಾಹನಗಳ ಸಂಚಾರ ಮಾರ್ಗ ಬದಲಾವಣೆ ಮಾಡಲಾಗಿದ್ದು, ಕಾರಣ ಸಾರ್ವಜನಿಕರು ಈ ಕೆಳಗಿನ ಪರ್ಯಾಯ ಮಾರ್ಗಗಳನ್ನು ಬಳಸಿ ಸಂಚರಿಸುವುದು.
1) ಅನಗೋಳದಿಂದ ಬೆಮ್ಕೊ ಕಡೆಗೆ ಸಂಚರಿಸುವ ಎಲ್ಲ ಮಾದರಿಯ ವಾಹನಗಳು ಅನಗೋಳದಿಂದ ಡಿ.ವಿ.ಎಸ್ ಚೌಕ್, ಹರಿಮಂದಿರ ರೋಡ್, ಅನಗೋಳ ನಾಕಾ, 3ನೇ ರೇಲ್ವೇ ಗೇಟ್ ಓವರ ಬ್ರಿಡ್ಜ ಮಾರ್ಗವಾಗಿ ಖಾನಾಪೂರ ರಸ್ತೆ ಸೇರಿ ಮುಂದೆ ಸಾಗುವುದು.
2) ಖಾನಾಪುರ ಕಡೆಯಿಂದ ಬೆಮ್ಕೊ ಸರ್ಕಲ್ ಮಾರ್ಗವಾಗಿ 4ನೇ ರೈಲ್ವೇ ಗೇಟ್ ಮೂಲಕ ಅನಗೋಳ ಕಡೆಗೆ ಸಂಚರಿಸುವ ಎಲ್ಲ ಮಾದರಿಯ ವಾಹನಗಳು ಬೆಮ್ಕೊ ಸರ್ಕಲ್ದಿಂದ 3ನೇ ರೈಲ್ವೆ ಗೇಟ್ ಓವರ ಬ್ರಿಡ್ಜ್, ಅನಗೋಳ ನಾಕಾ, ಹರಿಮಂದಿರ ರೋಡ್ ಮುಖಾಂತರ ಮುಂದೆ ಸಂಚರಿಸುವುದು.
ಈ ಮೇಲ್ಕಂಡ ಸಂಚಾರ ಬದಲಾವಣೆಗೆ ಸಾರ್ವಜನಿಕರು ಬೆಳಗಾವಿ ನಗರ ಪೊಲೀಸರೊಂದಿಗೆ ಸಹಕರಿಸಲು ಕೋರಲಾಗಿದೆ ಎಂದು ಪೊಲೀಸ್ ಆಯುಕ್ತರು,
ಬೆಳಗಾವಿ ನಗರ ಇವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
