ಚಾಕುವಿನಿಂದ ಇರಿದು ತಾರಿಹಾಳ ಯುವಕನ‌ ಕೊಲೆಗೈದ ಮಹಿಳೆ

ಜನ ಜೀವಾಳ ಜಾಲ : ಬೆಳಗಾವಿ: ಕ್ಷುಲಕ್ ಕಾರಣಕ್ಕೆ ಅಪರಿಚಿತ ಯುವತಿಯೊಬ್ಬಳು ಚಾಕುವಿನಿಂದ ಇರಿದು ಯುವಕನನ್ನು ಕೊಲೆ ಮಾಡಿದ‌ ಘಟನೆ ತಡರಾತ್ರಿ 2 ಗಂಟೆಗೆ ನಗರದಲ್ಲಿ ನಡೆದಿದೆ.

ನಗರದ ಹಳೆ ಪಿಬಿ ರಸ್ತೆಯ ಕೀರ್ತಿ ಹೊಟೇಲ್ ಪಕ್ಕ ಘಟನೆ ನಡೆದಿದ್ದು, ಮೃತ ಯುವಕ ತಾರಿಹಾಳ ಗ್ರಾಮದ ನಾಗರಾಜ ಭೀಮಸಿ ರಾಗಿ ಪಾಟೀಲ(೨೮) ಎಂದು ಗುರುತಿಸಲಾಗಿದೆ.
ಕುಡಿದ ಮತ್ತಿನಲ್ಲಿ ಜೋಲಾಡುತ್ತ ಕೈಯಲ್ಲಿ ಚಾಕು ಹಿಡಿದು ಹೊರಟಿದ್ದ ಮಹಿಳೆಯನ್ನು ವಿಚಾರಿಸಿದ ಬೈಕ್ ಸವಾರ ಯುವಕನ್ನು ಮಾತಿಗೆ ಮಾತು ಬೆಳೆದು ಯುವತಿ ಚಾಕುವಿನಿಂದ ಚುಚ್ಚಿದ್ದಾಳೆ.
ರಾತ್ರಿ 2ಗಂಟೆಯ ಆಸುಪಾಸು ಜಿಲ್ಲಾಸ್ಪತ್ರೆಗೆ ಸಾಗಿಸಿದರೂ ಚಿಕಿತ್ಸೆ ಫಲಕಾರಿಯಾಗದೇ ಯುವಕ ಅಸುನೀಗಿದ್ದಾನೆ.

ಕಂಗ್ರಾಳಿ ಕೆ. ಎಚ್. ಗ್ರಾಮದವಳೆನ್ನಲಾದ ಆರೋಪಿತ ಮಹಿಳೆ ಜಯಶ್ರೀ ಪವನ ಪವಾರ ಎಂಬಾಕೆಯನ್ನು ಪೊಲೀಸರು ವಶಕ್ಕೆ ಪಡೆದಿದ್ದು, ಮಾರ್ಕೆಟ್‌ ಪೊಲೀಸ್ ಠಾಣೆಯಲ್ಲಿ ಕೊಲೆ ಪ್ರಕರಣ ದಾಖಲಾಗಿದೆ.