ನವದೆಹಲಿ: ಚಿನ್ನದ ಬೆಲೆ ಗಗನಕ್ಕೇರಿದ್ದರೂ ಲೆಕ್ಕಿ ಸದೆ ಬುಧವಾರ ಅಕ್ಷಯ ತೃತಿಯ ದಿನದಂದು ದೇಶವ್ಯಾಪಿ ಜನತೆ ಭರ್ಜರಿ ಪ್ರಮಾಣದಲ್ಲಿ ಚಿನ್ನ ಮತ್ತು ಬೆಳ್ಳಿಯ ಖರೀದಿ ನಡೆಸಿದ್ದಾರೆ. ಖರೀದಿ ಪ್ರಮಾಣ ಹೆಚ್ಚು ಕಡಿಮೆ ಕಳೆದ ಇದ್ದರೂ, ಮೌಲ್ಯ ಹೆಚ್ಚಾಗಿರುವ ಕಾರಣ 16000 – 20000 ಕೋಟಿ ರು. ವಹಿವಾಟಿನ ಅಂದಾಜಿದೆ ಎಂದು ವರ್ತಕರು ಹೇಳಿದ್ದಾರೆ.
ಕಳೆದ ವರ್ಷಕ್ಕೆ ಹೋಲಿಸಿದರೆ ಚಿನ್ನದ ಬೆಲೆ ಯಲಿ ಶೇ.35ರಷ್ಟು ಏರಿಕೆಯಾಗಿದೆ.
ಬೆಲೆ ಏರಿಕೆಯಿಂದ ಕಳೆದ ವರ್ಷಕ್ಕೆ ಹೋಲಿಸಿದರೆ ಚಿನ್ನ ಕೊಳ್ಳುವ ಪ್ರಮಾಣ ಕೊಂಚ ಕಮ್ಮಿ ಆಗಿದೆ. ಆದರೆ, ಗ್ರಾಹಕರ ಸಂಖ್ಯೆ ಶೇ.25 ರಷ್ಟು ಹೆಚ್ಚಾಗಿದ್ದು, ವಹಿವಾಟು ಉತ್ತಮವಾಗಿ ನಡೆದಿದೆ.
ಬುಧವಾರ ಇಲ್ಲಿನ ಚಿನಿವಾರ ಪೇಟೆಯಲ್ಲಿ 10 ಗ್ರಾಂ ಚಿನ್ನದ ಬೆಲೆ 98500 ರು.ನಷ್ಟು ಇತ್ತು. ಮತ್ತೊಂದೆಡೆ ಬೆಳ್ಳಿಯ ಬೆಲೆ ಪ್ರತಿ ಕೆಜಿಗೆ 1 ಲಕ್ಷ ರು.ನಷ್ಟು ಇತ್ತು. ಅಖಿಲ ಭಾರತ ರತ್ನ ಮತ್ತು ಆಭರಣಗಳ ಸ್ಥಳೀಯ ಮಂಡಳಿ (ಜಿಜೆಸಿ) ಅಧ್ಯಕ್ಷ ರಾಜೇಶ್‌ ರೋಕ್ಷೆ ನೀಡಿರುವ ಹೇಳಿಕೆ ಅನ್ವಯ, ಕಳೆದ ವರ್ಷ ಅಕ್ಷಯ ತೃತಿಯದಂದು 20 ಟನ್‌ನಷ್ಟು ಚಿನ್ನ ಮತ್ತು ಬೆಳ್ಳಿ ಮಾರಾಟವಾಗಿತ್ತು. ಈ ವರ್ಷವೂ ಅದೇ ಪ್ರಮಾಣದಲ್ಲಿ ಮಾರಾಟದ ನಿರೀಕ್ಷೆ ಇದೆ. ಆದರೆ ಕಳೆದ ವರ್ಷಕ್ಕೆ ಹೋಲಿಸಿದರೆ ಚಿನ್ನ ಮತ್ತು ಬೆಳ್ಳಿ ಮೌಲ್ಯದಲ್ಲಿ ಶೇ.35ರಷ್ಟು ಏರಿಕೆಯಾಗಿರುವ ಕಾರಣ, ಒಟ್ಟಾರೆ ವಹಿವಾಟಿನ ಮೊತ್ತದಲ್ಲಿ ಭಾರೀ ಏರಿಕೆಯಾಗಲಿದೆ ಎಂದು ಹೇಳಿದ್ದಾರೆ. ಈ ಲೆಕ್ಕಾಚಾರದಲ್ಲಿ ಅಂದಾಜು 20000 ಕೋಟಿ ರು. ವಹಿವಾಟಿನ ನಿರೀಕ್ಷೆ ವ್ಯಕ್ತವಾಗಿದೆ. ಇನ್ನೊಂದೆಡೆ ಅಖಿಲ ಭಾರತೀಯ ವ್ಯಾಪಾರಿ ಒಕ್ಕೂಟವು ಬುಧವಾರ ದೇಶವ್ಯಾಪಿ 12,000 ಕೋಟಿ ರು. ಮೌಲ್ಯದ 12 ಟನ್ ಚಿನ್ನ ಮತ್ತು 4,000 ಕೋಟಿ ರು. ಮೌಲ್ಯದ 400 ಟನ್ ಬೆಳ್ಳಿ ಮಾರಾಟದ ಅಂದಾಜು ಮಾಡಿದೆ.
ಅಕ್ಷಯ ತೃತೀಯಕ್ಕೆ ಚಿನ್ನ ಖರೀದಿ ಏಕೆ?: ಅಕ್ಷಯ
ತೃತಿಯ ಅದೃಷ್ಟ ಮತ್ತು ಯಶಸ್ಸನ್ನು ತರುತ್ತದೆ. ಈ ದಿನ ಚಿನ್ನ ಖರೀದಿಸಿದರೆ ಸಂಪತ್ತು ಕ್ಷಯವಾಗುವುದಿಲ್ಲ, ಬದಲಿಗೆ ವೃದ್ಧಿಯಾಗುತ್ತದೆ. ಅಕ್ಷಯ ತೃತಿಯದಂದು ಕೊಂಡ ಚಿನ್ನದ ಬೆಲೆ ಯಾವತ್ತೂ ಕಡಿಮೆಯಾಗುವುದಿಲ್ಲ ಎಂಬುದು ಜನರ ನಂಬಿಕೆ.
