ಬೈಕ್ ಮೇಲೆ ಹರಿಹಾದ್ದ ಟಿಪ್ಪರ್; ಸ್ಥಳದಲ್ಲೆ ಇಬ್ಬರ ದುರ್ಮರಣ..!
ಅಲತಗೆ ಕಡಿಮಿಶನ್ ಕ್ರಾಸ್ ಬಳಿ ಭೀಕರ ಅಪಘಾತ..!
ಟಿಪ್ಪರ್ ಗೆ ಸಿಲುಕಿ ತುಂಡಾದ ಬೈಕ್, ಜಜ್ಜಿಹೋದ ದೇಹಗಳು, ಪರಾರಿಯಾದ ಟಿಪ್ಪರ ಚಾಲಕ.
ಪ್ರತಿ ವರ್ಷ ಟಿಪ್ಪರ್ ಚಾಲಕರ ಅತಿರೇಕಕ್ಕೆ ಬಲಿಯಾಗುತ್ತಿರುವ ಅಮಾಯಕರು.
ಬೆಳಗಾವಿ : ಚಲಿಸುತ್ತಿದ್ದ ಬೈಕ್ ಮೇಲೆ ಮರಳು ಸಾಗಿಸುತ್ತಿದ್ದ ಟಿಪ್ಪರ್ ಹರಿಹಾಯ್ದ ಪರಿಣಾಮ ಬೈಕ್ ಸವಾರರಿಬ್ಬರು ಸ್ಥಳದಲ್ಲೆ ಭೀಕರವಾಗಿ ಸಾವನ್ನಪ್ಪಿರುವ ಘಟನೆ ಬೆಳಗಾವಿ ನಗರಕ್ಕೆ ಅಂಟಿಕೊಂಡಿರುವ ಅಲತಗೆ ಕಡಿಮಿಶನ್ ಕ್ರಾಸ್ ಬಳಿ ಇಂದು ಸಾಯಂಕಾಲ ಸಂಭವಿಸಿದೆ.
ಬೈಕ್ ಮೇಲೆ ಟಿಪ್ಪರ್ ಹರಿಹಾಯ್ದಿದ್ದರಿಂದ ಬೈಕ್ ತುಂಡಾಗಿ ಸವಾರಿಬ್ಬರ ದೇಹಗಳು ನುಜ್ಜುಗುಜ್ಜಾಗಿವೆ. ಅದಲ್ಲದೇ ಟಿಪ್ಪರ್ ಕೆಳಗೆ ಸಿಲುಕಿದ ಮೃತ ದೇಹಗಳನ್ನು ಸರಳವಾಗಿ ಹೋರ ತೆಗೆಯಲಾಗದಷ್ಟು ಭೀಕರವಾಗಿ ಅಪಘಾತ ಸಂಭವಿಸಿದೆ.
ಅಪಘಾತದಲ್ಲಿ ಮೃತಪಟ್ಟವರು ಅಂಬೇವಾಡಿ ಗ್ರಾಮದ ನಾಗೇಶ ನಾವಿ ಹಾಗೂ ನಿತೇಶ ತರಳೆ ಎಂದು. ಘಟನೆ ಸ್ಥಳಕ್ಕೆ ಕಾಕತಿ ಪಿಐ ಸುರೇಶ್ ಶಿಂಗಿ, ಪಿಎಸ್ಐ ಮೃತ್ಯುಂಜಯ ಮಠದ ಹಾಗೂ ಸಿಬ್ಬಂದಿ ಧಾವಿಸಿ ತನಿಖೆ ಕೈಕೊಂಡಿದ್ದಾರೆ.
ಪ್ರತಿ ವರ್ಷ ಟಿಪ್ಪರ್ ಚಾಲಕರ ಅತಿರೇಕದ ಸವಾರಿಗೆ ಬಲಿಯಾಗುತ್ತಿರುವ ಅಮಾಯಕರು.
ಪ್ರತಿ ವರ್ಷ ಮರಳು, ಜಲ್ಲಿಕಲ್ಲು, ಮಣ್ಣು ಮತ್ತು ಇತರೆ ಸಾಮಗ್ರಿಗಳನ್ನು ಸಾಗಿಸುವ ಟಿಪ್ಪರ್ ಚಾಲಕರು ಅತಿ ವೇಗವಾಗಿ ವಾಹನ ಚಲಾಯಿಸಿ ಅಪಘಾತ ಮಾಡಿ ಅಮಾಯಕ ಜನರನ್ನು ಬಲಿ ತೆಗೆದುಕೊಳ್ಳುತ್ತಿದ್ದಾರೆ. ಇವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳದ ಹಿನ್ನಲೆಯಲ್ಲಿ ಇವರು ತಮ್ಮ ಚಾಳಿಯನ್ನು ಮುಂದುವರೆಸಿ ಕೊಲೆ ಮಾಡುತ್ತಿದ್ದಾರೆ ಎಂದು ಅಪಘಾತವನ್ನು ಕಣ್ಣಾರೆ ಕಂಡ ಜನ ಆಕ್ರೋಶ ವ್ಯಕ್ತಪಡಿಸಿದರು.
