ನವದೆಹಲಿ: ಪ್ರಮುಖ ನಿರ್ಧಾರದಲ್ಲಿ, ಖಾರಿಫ್ (ಬೇಸಿಗೆ) ಬಿತ್ತನೆ ಅವಧಿಗೆ ಮುಂಚಿತವಾಗಿ ಪ್ರಧಾನಿ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ಬುಧವಾರ ನಡೆದ ಕೇಂದ್ರ ಸಚಿವ ಸಂಪುಟವು 14 ಖಾರಿಫ್ ಬೆಳೆಗಳಿಗೆ ಕನಿಷ್ಠ ಬೆಂಬಲ ಬೆಲೆಯನ್ನು (ಎಂಎಸ್‌ಪಿ) ಅನುಮೋದಿಸಿದೆ. ಇದು ಉತ್ಪಾದನಾ ವೆಚ್ಚಕ್ಕಿಂತ 1.5 ಪಟ್ಟು ಹೆಚ್ಚಾಗಿದೆ.
ಭತ್ತದ ಕನಿಷ್ಠ ಬೆಂಬಲ ಬೆಲೆಯನ್ನು ₹ 117 ಹೆಚ್ಚಿಸಲಾಗಿದೆ ಎಂದು ಮಾಹಿತಿ ಮತ್ತು ಪ್ರಸಾರ ಖಾತೆ ಸಚಿವ ಅಶ್ವಿನಿ ವೈಷ್ಣವ ಅವರು ಬುಧವಾರ ನಡೆದ ಸಂಪುಟ ಸಭೆಯ ನಂತರ ತಿಳಿಸಿದ್ದಾರೆ.
ಕನಿಷ್ಠ ಬೆಂಬಲ ಬೆಲೆಗೆ (ಎಂಎಸ್‌ಪಿ) ಕಾನೂನು ಖಾತರಿ ನೀಡಬೇಕೆಂದು ಒತ್ತಾಯಿಸಿ ದೊಡ್ಡ ಪ್ರಮಾಣದ ಪ್ರತಿಭಟನೆಗಳನ್ನು ನಡೆಸಿದ್ದ ರೈತರ ಬಹುಕಾಲದ ಬೇಡಿಕೆಯಾಗಿದೆ. ಕನಿಷ್ಠ ಬೆಂಬಲ ಬೆಲೆ (MSP) ನಿರ್ಧಾರವು ಮಹತ್ವದ್ದಾಗಿದೆ. ಏಕೆಂದರೆ ಹರಿಯಾಣ, ಮಹಾರಾಷ್ಟ್ರ ಮತ್ತು ಜಾರ್ಖಂಡ್‌ನಂತಹ ರಾಜ್ಯಗಳಲ್ಲಿ ಈ ವರ್ಷದ ಕೊನೆಯಲ್ಲಿ ನಡೆಯಲಿರುವ ವಿಧಾನಸಭಾ ಚುನಾವಣೆಗಳು ನಡೆಯಲಿವೆ.
“2018 ರ ಕೇಂದ್ರ ಬಜೆಟ್‌ನಲ್ಲಿ, ಭಾರತ ಸರ್ಕಾರವು ಉತ್ಪಾದನಾ ವೆಚ್ಚಕ್ಕಿಂತ ಕನಿಷ್ಠ 1.5 ಪಟ್ಟು ಎಂಎಸ್‌ಪಿ ಇರಬೇಕು ಎಂದು ಸ್ಪಷ್ಟ ನೀತಿ ನಿರ್ಧಾರವನ್ನು ತೆಗೆದುಕೊಂಡಿದೆ. ಇಂದಿನ ನಿರ್ಧಾರವು ಈ ನಿರ್ಧಾರಕ್ಕೆ ಅನುಗುಣವಾಗಿದೆ. ವೆಚ್ಚವನ್ನು ವೈಜ್ಞಾನಿಕ ರೀತಿಯಲ್ಲಿ ನಿರ್ಧರಿಸಲಾಗಿದೆ. ಮತ್ತು ದೇಶದಾದ್ಯಂತ ವಿವಿಧ ಜಿಲ್ಲೆಗಳು ಮತ್ತು ತಹಸಿಲ್‌ಗಳಲ್ಲಿನ ಕೃಷಿ ವೆಚ್ಚಗಳು ಮತ್ತು ಬೆಲೆಗಳ ಆಯೋಗದ ಅಧ್ಯಯನವನ್ನು ಆಧರಿಸಿದೆ ಎಂದು ಅವರು ಹೇಳಿದರು.
ಹಂಗಾಮಿನ ಭತ್ತದ ಎಂಎಸ್‌ಪಿಯನ್ನು 5.35% ಅಥವಾ ₹ 117 ರೂ. ಹೆಚ್ಚಿಸಲಾಗಿದ್ದು, ಬೆಂಬಲ ಬೆಲೆ ಕ್ವಿಂಟಲ್‌ಗೆ ₹ 2,300 ರೂ.ಗಳಿಗೆ ಏರಿಕೆಯಾಗಿದೆ. 2013-14 ರಲ್ಲಿ ಇದು ಕ್ವಿಂಟಲ್‌ಗೆ 1,310 ರೂ. ಇತ್ತು ಎಂದು ಸಚಿವರು ಹೇಳಿದರು. ಹತ್ತಿಯ ಕನಿಷ್ಠ ಬೆಂಬಲವನ್ನು ₹ 510 ರೂ.ಹೆಚ್ಚಳ ಮಾಡಲಾಗಿದ್ದು. ಕ್ವಿಂಟಲ್‌ಗೆ ಸಾಮಾನ್ಯ ತಳಿಗೆ 7,121 ರೂ. ಮತ್ತು ಇನ್ನೊಂದು ತಳಿಗೆ 7,521ರೂ.ಗಳಿಗೆ ಏರಿಕೆಯಾಗಲಿದೆ.
ಜೋಳದ ಕನಿಷ್ಠ ಬೆಂಬಲ ಬೆಲೆ -₹ 3,371, ರಾಗಿ-₹ 4,290, ಬಾಜರಿ-2,625 ಮತ್ತು ಮೆಕ್ಕೆಜೋಳ- ₹ 2,225 ನಿಗದಿಪಡಿಸಲಾಗಿದೆ. ಬೇಳೆಕಾಳುಗಳಲ್ಲಿ, ಮೂಂಗ್‌ಗೆ ಎಂಎಸ್‌ಪಿ ₹ 8,682, ಟರ್ ₹ 7,550 ರೂ. ನಿಗದಿ ಪಡಿಸಲಾಗಿದೆ. ಇದು ಹಿಂದಿನ ಬೆಂಬಲ ಬೆಲೆಗಿಂತ ₹ 550 ಹೆಚ್ಚು. ಉರಡ್‌ಗೆ ₹ 7,400 ಎಂದು ನಿರ್ಧರಿಸಲಾಗಿದೆ. ಸೂರ್ಯಕಾಂತಿ ಮತ್ತು ಕಡಲೆಕಾಯಿಯಂತಹ ಎಣ್ಣೆಕಾಳುಗಳ ಎಂಎಸ್‌ಪಿ ಕೂಡ ಏರಿಕೆಯಾಗಿದೆ ಎಂದು ಸಚಿವರು ಹೇಳಿದರು.
ನೈಜರ್‌ ಸೀಡ್‌ ಮೇಲಿನ ಕನಿಷ್ಠ ಬೆಂಬಲ ಬೆಲೆಯನ್ನು 5,811 ರೂ.ನಿಂದ 8,717 ರೂ.ಗೆ ಹೆಚ್ಚಿಸಲಾಗಿದೆ. ಸೆಸಮುಮ್‌ನ ಬೆಲೆಯನ್ನು 6,178 ರೂ.ನಿಂದ 9,267 ರೂ.ಗೆ ಮತ್ತು ಅರ್ಹರ್ ದಾಲ್‌ ಬೆಂಬಲ ಬೆಲೆಯನ್ನು 4,761 ರೂ.ನಿಂದ 7,550 ರೂ.ಗೆ ಹೆಚ್ಚಿಸಲಾಗಿದೆ.
ಕನಿಷ್ಠ ಬೆಂಬಲ ಬೆಲೆ ಹೆಚ್ಚಳದಿಂದಾಗಿ ಹಿಂದಿನ ವರ್ಷಕ್ಕಿಂತ ರೈತರಿಗೆ ₹ 35,000 ಕೋಟಿಗಳಷ್ಟು ಲಾಭವನ್ನು ನೀಡುತ್ತದೆ ಎಂದು ಹೇಳಲಾಗಿದೆ.
