ಬೆಳಗಾವಿ :
ಬೆಳಗಾವಿಯ ಆರ್‌ಪಿಡಿ ಕಾಲೇಜು ಎದುರಿನ ಶ್ರೀಕೃಷ್ಣ ಮಠದಲ್ಲಿ ಸೆಪ್ಟೆಂಬರ್ 6 ಮತ್ತು 7 ರಂದು ಶ್ರೀ ಕೃಷ್ಣ ಜಯಂತಿ ಮತ್ತು ಶ್ರೀ ಕೃಷ್ಣ ಲೀಲೋತ್ಸವ ನಡೆಯಲಿದೆ.
ಸೆ. 6 ರಂದು ಪ್ರಾತಃ ಪೂಜೆ, 8:00 ಗಂಟೆಗೆ ಲಕ್ಷ ತುಳಸಿ ಅರ್ಚನೆ, ಪುಷ್ಪಾಲಂಕಾರ, ಅಖಂಡ ಭಜನೆ, ಸಂಜೆ 6 ಕ್ಕೆ ಪ್ರವಚನ, ರಾತ್ರಿ 7 ರಿಂದ 8:30 ರವರೆಗೆ ಪ್ರವೀಣ ಬಂಡಿವಾಡ ಹಾಗೂ ಸಂಗಡಿಗರಿಂದ ಸಂಗೀತ ಕಾರ್ಯಕ್ರಮ, ರಾತ್ರಿ 11 ಕ್ಕೆ ವಿಶೇಷ ಪೂಜೆ, ರಾತ್ರಿ ಚಂದ್ರೋದಯ, 11.42 ಕ್ಕೆ ಶ್ರೀ ಕೃಷ್ಣನಿಗೆ ಅರ್ಘ್ಯ ಪ್ರದಾನ ನಡೆಯಲಿದೆ.
ಸೆಪ್ಟೆಂಬರ್ 7 ರಂದು ಬೆಳಗ್ಗೆ 5:00 ಕ್ಕೆ ಶ್ರೀ ಕೃಷ್ಣ ದೇವರಿಗೆ ಪಂಚಾಮೃತ ಅಭಿಷೇಕ, ಬೆಣ್ಣೆ ಅಲಂಕಾರ, ಮಹಾಪೂಜೆ, 8 ಕ್ಕೆ ಅನ್ನ ಸಂತರ್ಪಣೆ, ಸಂಜೆ 5 ಕ್ಕೆ ಚಿಣ್ಣರಿಂದ ನೃತ್ಯಕಲಾ ಪ್ರದರ್ಶನ, 6 ಕ್ಕೆ ಚಿಣ್ಣರಿಂದ ಕೃಷ್ಣವೇಷ ಸ್ಪರ್ಧೆ, 6:30 ಕ್ಕೆ ಪಲ್ಲಕ್ಕಿ ಉತ್ಸವ, ರಥೋತ್ಸವ,ಸ್ವಸ್ತಿ ವಾಚನ, ದೀಪಾರಾಧನೆ, ರಂಗ ಪೂಜೆ ಇತ್ಯಾದಿಗಳೊಂದಿಗೆ ಕಾರ್ಯಕ್ರಮ ಸಂಪನ್ನವಾಗಲಿದೆ.
ಶ್ರೀ ಕೃಷ್ಣ ಲೀಲಾಮೃತ :
ಶ್ರೀ ಕೃಷ್ಣ ಜಯಂತಿ ಉತ್ಸವ ಪ್ರಯುಕ್ತ ಸೆಪ್ಟೆಂಬರ್ 5 ರ ವರೆಗೆ ಸಂಜೆ 6 ರಿಂದ 7:30 ರ ವರೆಗೆ ಪಂಡಿತ ಶ್ರೀನಿವಾಸಾಚಾರ್ಯ ಉಮರ್ಜಿ, ಐನಾಪುರ ಅವರಿಂದ ಶ್ರೀ ಕೃಷ್ಣಾಮೃತ ಪ್ರವಚನ ಏರ್ಪಡಿಸಲಾಗಿದೆ ಎಂದು ಶ್ರೀ ಕೃಷ್ಣ ಮಠದ ಪ್ರಕಟಣೆ ತಿಳಿಸಿದೆ.
