ಬೆಳಗಾವಿ: ಬೆಳಗಾವಿ ಕಮಾಂಡೋ ತರಬೇತಿ ಶಾಲೆಯ ಜವಾನರಿಬ್ಬರು ಮೃತಪಟ್ಟ ಘಟನೆ ನಡೆದಿದೆ.
ಒಟ್ಟು ಆರು ಜನ ಜವಾನರು ತಿಲಾರಿ ಡ್ಯಾಮ್ ಸನಿಹ ರಿವರ್ ಕ್ರಾಸಿಂಗ್ ತರಬೇತಿಗಾಗಿ ತೆರಳಿದ್ದರು. ಒಂದು ದಡದಿಂದ ಇನ್ನೊಂದು ದಡಕ್ಕೆ ಬೋಟಲ್ಲಿ ಹೋಗುತ್ತಿದ್ದರು. ಬೋಟ್ ಮುಳುಗಿದ ಪರಿಣಾಮ ಆರು ಜನರ ಪೈಕಿ ಇಬ್ಬರು ಮೃತಪಟ್ಟಿದ್ದಾರೆ.
ಬೆಳಗಾವಿ ಜೆಎಲ್ ವಿಂಗ್ ಕಮಾಂಡೋ ತರಬೇತಿ ಕೇಂದ್ರದ 28 ವರ್ಷದ ರಾಜಸ್ಥಾನದ ವಿಜಯಕುಮಾರ್ ಮತ್ತು ಪಶ್ಚಿಮ ಬಂಗಾಳದ 26 ವರ್ಷದ ದಿವಾಕರ್ ಮೃತಪಟ್ಟಿದ್ದಾರೆ. ಇವರು ಜವಾನರಿಗೆ ರಿವರ್ ಕ್ರಾಸಿಂಗ್ ತರಬೇತಿ ಕೊಡುತ್ತಿದ್ದ ವೇಳೆ ದುರ್ಘಟನೆ ಸಂಭವಿಸಿದೆ. ಈ ಘಟನೆಯಲ್ಲಿ ಉಳಿದ ನಾಲ್ವರು ಸುರಕ್ಷಿತವಾಗಿ ಪಾರಾಗಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
