ಬೆಂಗಳೂರು: ಬಹುತೇಕ ಸಂಜೆ ವೇಳೆಗೆ ಎಲ್ಲಾ ಸಚಿವರಿಗೂ ಖಾತೆ ಹಂಚಿಕೆಯಾಗಲಿದ್ದು, ಮೂವರು ಹಿರಿಯ ಸಚಿವರ ಖಾತೆಗಳಲ್ಲಿ ಬದಲಾವಣೆ ಸಂಭವವಿದೆ ಎಂದು ತಿಳಿದು ಬಂದಿದೆ.
ಪ್ರಮುಖವಾಗಿ ಈಗಾಗಲೇ ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆಯನ್ನು ನೀಡಲು ತೀರ್ಮಾನಿಸಲಾಗಿದೆ. ಉಳಿದಂತೆ ಡಿಸಿಎಂ ಡಾ. ಜಿ.ಪರಮೇಶ್ವರ್, ರಾಮಲಿಂಗಾ ರೆಡ್ಡಿ ಅವರ ಖಾತೆಗಳು ಬದಲಾಗುತ್ತವೆ ಎಂದು ಹೇಳಗಾಗಿದ್ದು, ಸಂಜೆ ವೇಳೆಗೆ ಲೋಕಭವನಕ್ಕೆ ರವಾನೆಯಾಗುವ ಸಾಧ್ಯತೆಯಿದೆ.
ರಾಮಲಿಂಗಾ ರೆಡ್ಡಿ ಅವರಿಗೆ ಬೆಂಗಳೂರು ಅಭಿವೃದ್ಧಿ ಖಾತೆ ನೀಡುವ ಸಾಧ್ಯತೆಯಿದ್ದು, ಜಲಸಂಪನ್ಮೂಲ ಇಲಾಖೆಯನ್ನು ಮರಳಿ ಎಂ. ಬಿ.ಪಾಟೀಲ ಅವರಿಗೆ ನೀಡಲಾಗಿದೆ ಎನ್ನಲಾಗುತ್ತಿದೆ. ಭಾರೀ ಕೈಗಾರಿಕಾ ಇಲಾಖೆಯನ್ನು ಡಿಸಿಎಂ ಡಾ. ಪರಮೇಶ್ವರಗೆ ನೀಡಲಿದ್ದು, ಪರಮೇಶ್ವರ ಬಳಿಯಿರುವ ಕಂದಾಯ ಇಲಾಖೆ ಮರಳಿ ಕೃಷ್ಣ ಬೈರೇಗೌಡ ಅವರಿಗೆ ವರ್ಗಾವಣೆಯಾಗಲಿದೆ.
ಕಳೆದ ಆಗಸ್ಟ್ 3ರಂದು ಪ್ರಮಾಣವಚನ ಸ್ವೀಕರಿಸಿದ ಸಚಿವರಿಗೆ ಯಾವ ಇಲಾಖೆಯ ಹೊಣೆಗಾರಿಕೆ ನೀಡಬೇಕು ಎಂಬುದು ಇದುವರೆಗೂ ಚರ್ಚೆಯ ವಿಷಯವಾಗಿತ್ತು. ಹಲವಾರು ಸುತ್ತಿನ ಮಾತುಕತೆಗಳು, ದೆಹಲಿಯಲ್ಲಿ ಪ್ರಮುಖ ನಾಯಕರೊಂದಿಗಿನ ಸಭೆಗಳು ಮತ್ತು ಮುಖ್ಯಮಂತ್ರಿಗಳ ನೇತೃತ್ವದ ಸುದೀರ್ಘ ಚರ್ಚೆಯ ಬಳಿಕ ಅಂತಿಮಪಟ್ಟಿಯನ್ನು ಸಿದ್ಧಪಡಿಸಲಾಗಿದೆ. ಇಲಾಖೆಗಳ ಹಂಚಿಕೆಯಲ್ಲಿ ಅನುಭವ ಮತ್ತು ಪ್ರಾದೇಶಿಕ ಸಮತೋಲನಕ್ಕೆ ಹೆಚ್ಚು ಒತ್ತು ನೀಡಲಾಗಿದೆ ಎನ್ನಲಾಗಿದೆ.
ಯಾರಿಗೆ ಯಾವ ಇಲಾಖೆ ?
ಪೂರ್ಣಪಟ್ಟಿ ಹೀಗಿದೆ:
ಚಲುವರಾಯಸ್ವಾಮಿ - ಕೃಷಿ ಇಲಾಖೆ (ರೈತರ ಕಲ್ಯಾಣ ಮತ್ತು ಕೃಷಿ ಅಭಿವೃದ್ಧಿ)
ಎಚ್.ಸಿ. ಬಾಲಕೃಷ್ಣ – ಸಣ್ಣ ನೀರಾವರಿ ಇಲಾಖೆ
-ಕೆ. ಎಚ್. ಮುನಿಯಪ್ಪ -ಸಾಮಾಜಿಕ ಕಲ್ಯಾಣ ಇಲಾಖೆ
ಸಂತೋಷ ಲಾಡ್-ಕಾರ್ಮಿಕ ಇಲಾಖೆ
ಬಸವಂತಪ್ಪ - ಬಂದರು ಮತ್ತು ಮೀನುಗಾರಿಕೆ ಇಲಾಖೆ
ಮಧು ಬಂಗಾರಪ್ಪ – ಪ್ರಾಥಮಿಕ ಶಿಕ್ಷಣ ಇಲಾಖೆ
ಕೆ. ಸಿ. ರಾಯರೆಡ್ಡಿ – ಉನ್ನತ ಶಿಕ್ಷಣ ಇಲಾಖೆ
ಬಿ. ಝಡ್. ಜಮೀರ್ ಅಹಮದ್ ಖಾನ್ - ವಸತಿ ಇಲಾಖೆ
ಯು. ಟಿ. ಖಾದರ್ – ಆರೋಗ್ಯ, ಅಲ್ಪಸಂಖ್ಯಾತರ ಕಲ್ಯಾಣ ಮತ್ತು ವಕ್ಸ್ ಇಲಾಖೆ
ಲಕ್ಷ್ಮಣ ಸವದಿ – ಸಹಕಾರ
ಡಾ. ಅಜಯ್ ಸಿಂಗ್ -ಅರಣ್ಯ ಇಲಾಖೆ
ಎಸ್. ಎಸ್. ಮಲ್ಲಿಕಾರ್ಜುನ -ಗಣಿ ಮತ್ತು ಭೂವಿಜ್ಞಾನ
ಇಲಾಖೆ ವಿಸ್ತರಿಸಿದ ಖಾತೆ ಹಂಚಿಕೆಯ ಹಿನ್ನೆಲೆ:
ಕಳೆದ ಕೆಲವು ದಿನಗಳಿಂದ ಖಾತೆ ಹಂಚಿಕೆಯ ಬಗ್ಗೆ ನಿರೀಕ್ಷೆ ಮತ್ತು ಆಂದೋಲನ ತೀವ್ರವಾಗಿತ್ತು. ವಿಶೇಷವಾಗಿ ಕೃಷಿ, ಶಿಕ್ಷಣ, ಆರೋಗ್ಯ ಮತ್ತು ಸಹಕಾರದಂತಹ ಪ್ರಮುಖ ಇಲಾಖೆಗಳಿಗೆ ಸಚಿವರಲ್ಲಿ ವ್ಯಾಪಕ ಪೈಪೋಟಿ ನಡೆದಿತ್ತು. ಅಂತಿಮವಾಗಿ, ಹಿರಿಯ ನಾಯಕ ಲಕ್ಷ್ಮಣ ಸವದಿ ಅವರಿಗೆ ಸಹಕಾರ ಇಲಾಖೆಯನ್ನು ನೀಡಲಾಗಿದ್ದರೆ, ಯುವ ಮುಖವಾದ ಮಧು ಬಂಗಾರಪ್ಪ ಅವರಿಗೆ ಪ್ರಾಥಮಿಕ ಶಿಕ್ಷಣದ ಪ್ರತಿಷ್ಠಿತ ಇಲಾಖೆಯನ್ನು ವಹಿಸಲಾಗಿದೆ. ಅಲ್ಪಸಂಖ್ಯಾತರ ಕಲ್ಯಾಣ ಮತ್ತು ಆರೋಗ್ಯದಂತಹ ಸೂಕ್ಷ್ಮ ಇಲಾಖೆಯನ್ನು ಯು.ಟಿ. ಖಾದರ್ ಅವರಿಗೆ ನೀಡಲಾಗಿದೆ.
ಮುಖ್ಯಮಂತ್ರಿಗಳು ಅಂತಿಮಗೊಳಿಸಿದ ಈ ಪಟ್ಟಿಗೆ ರಾಜ್ಯಪಾಲರ ಸಹಿ ಸಿಕ್ಕ ತಕ್ಷಣ ಅಧಿಕೃತ ಗೆಜೆಟ್ ಪ್ರಕಟಣೆ ಹೊರಬೀಳಲಿದೆ. ಇದರೊಂದಿಗೆ, ನೂತನ ಸಚಿವರು ತಮ್ಮ ತಮ್ಮ ಇಲಾಖೆಗಳ ಅಧಿಕಾರ ಸ್ವೀಕರಿಸಿ ಆಡಳಿತ ಚುರುಕುಗೊಳಿಸಲು ಸಜ್ಜಾಗಿದ್ದಾರೆ.
